ზუგდიდის რაიონულ სასამართლოში ანი წითლიძისა და გიორგი პატარაიას სასამართლო პროცესი მიმდინარეობს

0
397

სანდრა რულოვსის საარჩევნო კამპანიის დროს დაკავებული ენმ-ს ზუგდიდის საკრებულოს წევრის ანი წითლიძისა და პარტიის პრესსამსახურის უფროსის გიორგი პატარაიას საქმეზე სასამართლო ამ წუთებში მსჯელობს გამოძიება მათ წვრილმან ხულიგნობას და პოლიციისათვის წინააღმდეგობის გაწევას ედავება.  სოფელ ნარაზენში, 11 აპრილს, მოსახლეობასთან შეხვედრისას სამართალდამცველებსა და ოპოზიციას შორის ინციდენტი მოხდა. რა დროსაც დააკავეს "ნაციონალური მოძრაობის" პოლიტიკური საბჭოს წევრი გიორგი პატარაია, საკრებულოს წევრი ანი წითლიძე და მანუჩარ ჩხეტია.პატარაიას და წითლიძის შეფასებით, ოპოზიციის წევრების დაკავება ხელისუფლების მხრიდან პროვოკაციაა, რადგან მმართველი ძალა აცნობიერებს, რომ ისინი არჩევნებს წააგებენ.ნარაზენის ინციდენტისას დაკავებული მანუჩარ ჩხეტიას სასამართლო პროცესი 12 აპრილსგაიმართა, თუმცა სარეზოლუციო ნაწილი  19 აპრილს გამოცხადდება. მხოლოდ მაშინ გახდება ცნობილი, დაეკისრება თუ არა ჯარიმის გადახდა დაკავებულს, თუ 15 დღიანი პატიმრობა შეეფარდება. ყოფილ პოლიციელს ბრალი 166-ე და 173- ე მუხლებით აქვს წაყენებული, რაც პოლიციელებისთვის წინააღმდეგობის გაწევასა და  ხულიგნობას ითვალისწინებს. მანუჩარ ჩხეტიას თქმით, ის არის უდანაშაულო და ეს დაკავება იყო მხოლოდდამხოლოდ პოლიტიკური მოტივით 

წინა სტატია,,შეეშვით სპეკულაციებს”, „ჭკვიანად იყავით,“ – რა ენაზე ელაპარაკებიან ოპოზიციონერ დეპუტატებს ირაკლი კობახიძე დ ანრი ოხანაშვილი
შემდეგი სტატიამადეირაზე ტურისტული ავტობუსი გადაბრუნდა. დაღუპულია 28 ადამიანი
ტელეკომპანია ოდიშის საინფორმაციო სამსახური