presa.ge- ს რედაქტორის მიერ გავრცელებულ ინფორმაციას, რომ ზუგდიდის მერიის მაღალჩინოსანი ჟურნალისტებს მუშაობაში ხელს უშლის, მერიაში უარყოფენ. უწყებაში აცახდებენ, რომ რედაქტორის მიერ გავრცელებული ინფორმაცია არასწორია და მის მიერ ნახსენები გიორგი ჯანაშია მერიის თანამშრომელი არ არის: "გიორგი კაპანაძის მიერ გავრცელებული ინფორმაცია, თითქოს გიორგი ჯანაშია არის მერიის მაღალჩინოსანი, სიმართლეს არ შეესაბამება.გიორგი ჯანაშია მერიის დაქვემდებარებულ არცერთ სტრუქტურაში არ მუშაობს. "- აცხადებენ მერიაში.
ჟურნალისტურ საქმიანობაში ხელის შეშლასა და უკანონო თვალთვალზე ინფორმაციას საინფორმაციო სააგენტო presa.ge ავრცელებს. გიორგი კაპანაძე ყვება, რომ ზუგდიდში itv-ის გადამღებ ჯგუფს ზუგდიდის მერის ერთ-ერთი მაღალჩინოსანი და "ქართული ოცნების" მხარდამჭერი გიორგი ჯანაშია უთვალთვალებდა. ის ჟურნალისტებზე ფარულ ფოტო-ვიდეო გადაღებას აწარმოებდა. presa.ge-s ხელმძღვანელი ფაქტის შესახებ სახალხო დამცველს დღეს მიაწვდის ინფორმაციას. გიორგი კაპანაძე პროკურატურისგან გამოძიებასაც მოითხოვს.