ზუგდიდის რაიონულ სასამართლოში მანუჩარ ჩხეტიას სასამართლო პროცესი იწყება, სხდომაზე დასასწრებად სანდრა რულოვსი მივიდა

0
499

 ზუგდიდის რაიონულ სასამართლოში  გუშინ ნარაზენში  გაერთიანებული ოპოზიციის მერობის კანდიდატის საარჩევნო კამპანიის დროს დაკავებული მანუჩარ ჩხეტიას  სასამართლო პროცესია ჩანიშნული.

„ნაციონალური მოძრაობის“ წევრს გამოძიება ხულიგნობას და პოლიციისადმი დაუმორჩილებლობას ედავება,
 
 მანუჩარ ჩხეტია აცხადებს, რომ    ბრალს არ აღიარებს და მისი დაკავება პოლიტიკური მოტივით მოხდა. იგი  ზუგდიდის პოლიციის უფროს ირაკლი ფაცაციას პროვოკაციაში ადანაშაულებს.
 
 
"თავს დამნაშავედ არ ვგრძნობ. ეს იყო პოლიტიკური პროვოკაცია, დაგეგმილი ზუგდიდის პოლიციის რაიონული სამმართველოს უფროსის მიერ. იმედი მაქვს, რომ სასამართლო მიიღებს ობიექტურ გადაწყვეტილებას და გამათავისუფლებენ, რადგან მე არ მიმიძღვის ბრალი იმ ყველაფერში, რაც მოხდა. არანაირი შეურცხყოფა არ მიმიყენებია პოლიციისთვის და ამის დამადასტურებელი არანაირი ვიდეო არ არსებობს", – განაცხადა ჩხეტიამ პროცესის დაწყებამდე.

სასამართლოს სხდომაზე დასასწრებად გაერთიანებული ოპოზიციის მერობის კანდიდატი სანდრა რულოვსი მივიდა, მან დღეს სპეციალურ ბრიფინგზე მოითხოვა   დაკავებული მანუჩარ ჩხეტიას  სასწრაფოდ გათავისუფლება 

ზუგდიდის რაიონულ სასამართლოსთან მობილიზებულია პოლიცია. აქვე იმყოფებიან გაერთიანებული ოპოზიციის ლიდერები და მხარდამჭერები..

წინა სტატიაზუგდიდში წინასაარჩევნო კამპანია იძაბება.„ქართულ ოცნებას“ ეშინია და სამართლიანად ეშინია არჩევნების – დავით ბაქრაძე ოპოზიციის დაკავებას ეხმაურება
შემდეგი სტატიაპრემიერ-მინისტრმა მამუკა ბახტაძემ არ გააკეთა კომენტარი სამეგრელოში მომხდარზე
ტელეკომპანია ოდიშის საინფორმაციო სამსახური