ბაჩანა შენგელია დარწმუნებულია, რომ თადუმაძის უწყებას მომხდარი სათანადოდ არა აქვს გამოძიებული, რის გამოც მას მასალების გაცნობის უფლებას არ აძლევენ

0
352
ბაჩანა შენგელია დედის, ია კერზაიას გარდაცვალების საქმის მასალების გაცნობას, ამჯერად სასამართლოს საშუალებით ითხოვს.
 
გადაწყვეტილება შენგელიამ მას შემდეგ მიიღო, რაც პროკურატურამ საქმის მასალების გაცნობაზე უარი უთხრა. პროკურატურის  გადაწყვეტილება ია კერზაიას შვილმა სასამართლოში გაასაჩივრა.
 
ბაჩანა შენგელია დარწმუნებულია, რომ თადუმაძის უწყებას მომხდარი სათანადოდ არა აქვს გამოძიებული, რის გამოც მას მასალების გაცნობის უფლებას არ აძლევენ. საქალაქო სასამართლოს კი სარჩელის განხილვისთვის ვადა 15 დღე აქვს.
 
„სასამართლოს ვთხოვთ უკვე განიხილოს აღნიშნული უარის კანონიერება. ვითხოვთ, რომ ჩავერთოთ საქმეში დაზარალებულის უფლებამონაცვლედ. დარღვეულია ევროსასამართლოს პრაქტიკა ამ უარით. ჩვენ წარმოვუდგინეთ სასამართლოს ევროსასამართლოს არაერთი გადაწყვეტილება, რომელშიც პირდაპირ არის მითითებული, რომ პროკურატურა ვალდებულია მე ჩამრთოს დაზარალებულის უფლებამონაცვლედ და რაც მთავარია სასამართლოს ვთხოვთ, რომ ღია სასამართლო სხდომაზე მოახდინოს საქმის განხილვა. არსებობს უამრავი პასუხგაუცემელი კითხვა და იმედი მაქვს პროკურორები გასცემენ ამ შეკითხვებზე პასუხს,“-აცხადებს ბაჩანა შენგელია.
წინა სტატიადავით კირკიტაძის პროცესი კვლავ დახურულ რეჟიმში მიმდინარეობს
შემდეგი სტატიაფიზიკური დაპირისპირება ბათუმის საკრებულოში ამჯერად… ტერენტი გრანელის გამო
ტელეკომპანია ოდიშის საინფორმაციო სამსახური