ზუგდიდის ზედაეწერის საბავშვო ბაღის მასწავლებელი ინგა ვეკუა,რომელმაც 5 წლის ბავშვზე იძალადა,სამსახურიდან გაათავისუფლეს,მას უფლებამოსილება დღეიდან შეუჩერდა. ზუგდიდის მუნიციპალიტეტის სკოლამდელ სააღმზრდელო დაწესებულებათა მართვის ცენტრის ხელმძღვანელი  ხათუნა თოლორაიას თქმით, განჩინება ზუგდიდის რაიონული სასამართლოსგან მიუვიდათ. „ ზუგდიდის რაიონული სასამართლოსგან მოგვივიდა განჩინება, რის საფუძველზეც მას შეუჩერდა უფელბამოსილება. გუშინ მოგვივიდა წერილი, სადაც ისინი ჩვენგან რეაგირებას ითხოვენ. დღეიდან არ იმუშავებს ბაღის აღმზრდელად. დაველოდებით სასამართლოს გადაწყვეტილებას,რომელიც სავარაუდოდ 2 თვეში გაიმართება “, – ამბობს თოლორაია. ბაღის აღმზრდელს ზუგდიდის რაიონულმა სასამართლომ 5000 ლარიანი გირაო შეუფარდა. მშობელი მასწავლებელს 5 წლის ბავშვზე ფიზიკურ ძალადობაში ადანაშაულებს. მისი თქმით, აღმზრდელის მხრიდან ეს პირველი  შემთხვევა არ არის და ბავშვზე ხელით შეხების ფაქტს თვითონ შეესწრო. შს სამინისტრომ მასწავლებელს ბრალი 126-ე, ძალადობის მუხლით წარუდგინა.