TI- გამოკითხულთა 25% -ისთვის ადგილობრივი ხელისუფლება მოსახლეობის ინტერესს არ გამოხატავს

0
379
გამოკითხული მოქალაქეების დაახლოებით მეოთხედი ფიქრობს, რომ 2017 წელს არჩეული მერები და საკრებულოები მოქალაქეების ინტერესებს არ გამოხატავენ. ამის შესახებ ნათქვამია „საერთაშორისო გამჭვირვალობა- საქართველოს“ მიერ ჩატარებულ კვლევაში.რესპონდენტების მხოლოდ 33% მიიჩნევს, რომ მერი საქმიანობის დროს მოქალაქეთა ინტერესებს ეყრდნობა, საპირისპირო მოსაზრება აქვს გამოკითხულთა 25%-ს.აღსანიშნავია, რომ წინა წელს ჩატარებული ანალოგიური გამოკითხვით, ადგილობრივ თვითმმართველობებს გაცილებით არასასურველი შედეგები ჰქონდათ – 2018 წელს, მერების შემთხვევაში, გამოკითხულთა მხოლოდ 26%, საკრებულეობის შემთხვევაში კი 22% ფიქრობდა, რომ მუნიციპალიტეტების აღმასრულებელი და წარმომადგენლობითი ორგანოები მოქალაქეთა ინტერესებს გამოხატავდნენ. 2019 წლის გამოკითხვის შედეგებით, მერებთან დაკავშირებით ანალოგიურ კითხვაზე დადებითი პასუხები 7 პროცენტული პუნქტით,  საკრებულოებთან კი 5 პროცენტული პუნქტით გაიზარდა. 
კომუნალური სერვისების მიწოდების თვალსაზრისით, გამოკითხულთა ყველაზე დიდ უკმაყოფილებას ქუჩების კეთილმოწყობის, პარკების, სკვერებისა და ზოგადად, გამწვანებისა და მიუსაფარი ცხოველების მოუგვარებელი პრობლემები იწვევს. ამასთან, შემცირებულია საზოგადოებრივი ტრანსპორტის მუშაობის დადებითად შეფასების მაჩვენებელი: 2018 წელს გამოკითხულთა 41% კმაყოფილი იყო მუნიციპალური ტრანსპორტით, 2019 წელს კი იმავე კითხვაზე ანალოგიურად მხოლოდ 37%-მა უპასუხა.
წინა წლის მონაცემებთან შედარებით, გაზრდილია იმ მოქალაქეთა რაოდენობა, რომლებიც კმაყოფილები არიან წყალმომარაგებისა და საყოფაცხოვრებო ნარჩენების გატანის მომსახურებებით მუნიციპალიტეტებში. მოსახლეობის კმაყოფილებას ყველაზე მეტად ელექტროენერგიისა და გაზმომარაგების სისტემების მუშაობა იწვევს. ორგანიზაციამ კვლევა 2019 წლის 20 თებერვლიდან 5 მარტის ჩათვლით ჩაატარა
 
წინა სტატია“ანაკლიის პროექტი კერძო ბიზნესისთვის ნაკლებად საინტერესოა. ხოლო რაც შეეხება ,,თიბისი ბანკს“ და მამუკა ხაზარაძეს, პირიქით მიმაჩნია, რომ ისინი უტევენ ხელისუფლებას” – ბიძინა ივანიშვილი
შემდეგი სტატია“ეს იყო შეშინებული კაცის დარდები, რომელიც ხვდება, რომ კარგავს ძალაფულებას, რომ დარჩა მარტო,გაწირა ყველამ, ვისაც კი ელემენტარულად ჭკუა მოეკითხება” – რომან გოცირიძე.
ტელეკომპანია ოდიშის საინფორმაციო სამსახური