ბაჩანა შენგელია სტრასბურგში გასაგზავნ სარჩელზე მუშაობას იწყებს. ზუგდიდის მეექვსე სკოლის გარდაცვლილი დირექტორის შვილი გენერალური პროკურატურისგან გადაწყვეტილების შეცვლას და მის დაზარალებულის უფლებამონაცვლედ აღიარებას ითხოვს. წინააღმდეგ შემთხვევაში შენგელია ია კერზაიას საქმის გასაჩივრებას ჯერ საქალაქოში, შემდეგ კი სტრასბურგის სასამართლოში აპირებს. ევროპის ადამიანის უფლებათა სასამართლოში შენგელია გეგმავს დოკუმენტებთან ერთად ევროპელი დეპუტატების ის წერილიც გაგზავნოს, რომელიც საქართველოს ხელისუფლებას არასაკმარისი რეაგირების გამო მკაცრად აკრიტიკებს.