პრეზიდენტის ავლაბრის რეზიდენცია სახელმწიფო ცერემონიების სასახლედ აქციეს

0
259
 
, პრეზიდენტს, მთავრობასა და პარლამენტს შორის შეთანხმების საფუძველზე პრეზიდენტის ყოფილი სასახლისათვის ახალი ფუნქცია განისაზღვრა და ის სახელმწიფო ცერემონიების სასახლე გახდა.
 
“საქართველოს პრეზიდენტს, მთავრობასა და პარლამენტს შორის შეთანხმების მიხედვით, აბდუშელიშვილის ქუჩაზე მდებარე პრეზიდენტის სასახლისათვის ახალი ფუნქცია განისაზღვრა – ეს არის სახელმწიფო ცერემონიების სასახლე. შესაბამის განკარგულებას მთავრობა გამოსცემს“, – განაცხადა პრეზიდენტის პრესსპიკერმა ხატია მოისწრაფიშვილმა.
 
აღსანიშნავია, რომ დღეს, 17:00 საათზე საქართველოს პრეზიდენტის სახელით, საქართველოს დამოუკიდებლობის აღდგენის აქტის ხელმომწერებისათვის მიღება გაიმართება. პრეზიდენტის პრესსამსახურის მიერ გავრელებულ ინფორმაციაში მითითებულია, რომ ,,მიღება აბდუშელიშვილის ქუჩა 1-ში მდებარე სახელმწიფო ცერემონიების სასახლეში გაიმართება.''
 
სალომე ზურაბიშვილის გაპრეზიდენტების შემდეგ, ავლაბრის სასახლის კარი დღეს პირველად გაიღება. პრეზიდენტი, რომელმაც ამ შენობაში შესვლაზე უარი თქვა, 9 აპრილთან დაკავშირებულ მიღებას სწორედ ავლაბრის რეზიდენციაში გამართავს.
 
პრეზიდენტი დღევანდელ შეხვედრაზე ელოდება საქართველოს დამოუკიდებლობის აქტის ხელმომწერებს, თუმცა მოსალოდნელია, რომ მას შეხვედრა საკმაოდ მცირე ჯგუფთან მოუწევს.
 
ზვიად გამსახურდიას ხელისუფლების პარლამენტის წევრების უმრავლესობამ პროტესტი პრეზიდენტს უკვე გამოუცხადა და ისინი შეხვედრაზე არ მივლენ.

 
წინა სტატიასანდრა-ელისაბედ რულოვსმა 9 აპრილის მემორიალი ყვავილებით შეამკო და დაღუპულთა ხსოვნას პატივი მიაგო [Video]
შემდეგი სტატიაოკუპირებულ აფხაზეთში მამზიშხას მთაზე მესამე დღეა ხანძარი მძვინვარებს
ტელეკომპანია ოდიშის საინფორმაციო სამსახური