სკოლის გამოსაშვები გამოცდების გაუქმების კანონპროექტს პარლამენტი 16 აპრილს უყრის კენჭს

0
430
 
საქართველოს პარლამენტის განათლების კომიტეტის თავმჯდომარის, მარიამ ჯაშის განცხადებით, საკანონმდებლო ორგანო „ზოგადი განათლების შესახებ” კანონპროექტს, რომლის მიხედვითაც, სკოლის გამოსაშვები გამოცდები უქმდება, მესამე მოსმენით 16 აპრილის პლენარულ სხდომაზე დაამტკიცებს.
 
„სამწუხაროდ, ეროვნული ბანკის პრეზიდენტის მოსმენა იმდენად დიდხანს გაგრძელდა, რომ საშუალება არ მოგვეცა, ერთი საათი კანონპროექტის კენჭისყრისთვისდაგვეთმო. პირობას გაძლევთ, რომ კანონპროექტის განხილვა 16 აპრილს დასრულდება და როგორც დაგეგმილი იყო, მე-11 და მე-12 კლასის საატესტატო გამოცდები არ ჩატარდება და კანონის დონეზე საატესტატო და ეროვნულ გამოცდებს შორის დუბლირება აღმოფხვრილი გვექნება.
 
კანონპროექტის ჩაგდების გამო საზოგადოების რეაქციას ვიზიარებ, თუმცა მინდა, დაგარწმუნოთ, რომ სანამ პარლამენტი საქმიანობას თბილისში მდებარე პარლამენტში გააგრძელებდა, ქუთაისში მსგავსი პრობლემები არ იყო. ტექნიკური პრობლემა ნამდვილად არის, სხდომათა დარბაზში ხმაურია”, – განაცხადა ჯაშმა.
 
საქართველოს პარლამენტის დღევანდელ პლენარულ სხდომაზე სკოლის გამოსაშვები გამოცდების გაუქმების თაობაზე მომზადებული კანონპროექტი ჩავარდა.
წინა სტატიავისი დავალებით და რატომ გადააყენეს თანამდებობიდან მარტვილის მერის მოადგილე?
შემდეგი სტატიაშამგონადან გატაცებული გელა როსტობაია ამ დრომდე გალის წინასწარი დაკავების ზოლატორში იმყოფება, ოჯახს აფხაზური ადმინისტრაციიდან არავინ დაკავშირებია
ტელეკომპანია ოდიშის საინფორმაციო სამსახური