საქართველოს პარლამენტის ფრაქცია „ნაციონალური მოძრაობის“ თავმჯდომარე სოციალურ ქსელში მოთხოვნას ავრცელებს:
„რადგან სერიოზული მედია და სერიოზული ადამიანები საქართველოს ზოგიერ მოქალაქეს მოიხსენიებს როგორც ”მეფეს” და ”დედოფალს”, მოვითხოვ, რომ შეწყვიტონ დისკრიმინაციული მიდგომა და დღეიდან მომიხსენიონ როგორც ”აზნაური გოცირიძე”, – წერს გოცირიძე
მისი თქმით, მონარქიის აღდგენა ნიშნავს თავადაზნაურობის აღდგენასაც
„მაშინ, დაურიგონ თავად-აზნაურობას მიწები. მაგათ იკითხონ, თორემ გოცირიძეები რაჭის აზნაურები ვიყავით, 10 სოფელიც გვქონდა და 200 ყმა გვყავდა. ნახევრად მეგრელი ვარ და იქაც მქონდა მიწები,” აცხადებს რომან გოცირიძე და დასძენს:
“ხელისუფლება ფიქრობს, რომ მეფის დაბრუნება არის კარგი, ეს ნიშნავს, რომ ხელისუფლება არის ბნელი, მათი მმართველობა არის ქაჯურ-დემოკრატიული და მათი იდეები საზიანოა ქვეყნისთვის,”
