საქართველოს პირველი პრეზიდენტის წერილი, რომელსაც შელიების ოჯახი რელიქვიად ინახავს

0
452
სოფელ ანაკლიაში  შელიების ოჯახში დღემდე რუდუნებით ინახება საქართველოს პირველი პრეზიდენტის ზვიად გამსახურდიას წერილი. ეს წერილი ზვიად გამსახურდიამ ზუგდიდში სამეგრელოს რეგიონის აღორძინების ფონდს გამოუგზავნა. ის გროზნოშია დაწერილი, დევნილობის დროს. ამის შესახებ ფონდის ყოფილი მთავარი ბუღალტრის შვილმა დათა შელიამ განაცხადა. „მხედრიონის თარეშის შემდეგ შეიქმნა ეს ფონდი,რომელსაც ჰყავდა გარკვეული შემომწირველები.მამა,მიტო შელია მთავარ ბუღალტრად მუშაობდა ამ ფონდში. ეროვნული მთავრობის დამხობა ჩვენს ოჯახსაც შეეხო ბუნებრივია,ჩვენ დავტოვეთ საქართველო მშობლებთან და ჩემს ძმასთან ერთად. მამამაც დაცალა ფონდის ოთახი,მას უკვე შევარდნაძის მთავრობის წარმომადგენლები თხოვდნენ დაესახელებინა ფონდის შემომწირველები,რაზედაც მან კატეგორიული უარი განაცხადა. იმ პერიოდში განსაკუთრებული სიდუხჭირე იყო აქ და ეს ფონდი გაჭირვებულ ადამიანებს ეხმარებოდა.სადაც მივდიოდით ეს წერილი ჩვენს ოჯახს თან მიჰქონდა,დიდი პატივია ჩვენთვის,რომ გვაქვს ეს წერილი “,- ამბობს დათა შელია. 
 
 
 
 
 
„მივესალმები სამეგრელოს რეგიონის აღორძინების ფონდის შექმნას ზუგდიდში. ეს კეთილი წამოწყება უთუოდ დიდი სტიმული იქნება მძიმე ეკონომიკური კრიზისისა და ხუნტის მიერ გაჩაღებული სამოქალაქო ომის პირობებში,მას მხოლოდ ჩვენი კუთხისთვის როდი აქვს მნიშვნელობა,არამედ სრულიად საქართველოსთვის. ყოველი ჭეშმარიტი ქართველის ვალია თავისი წვლილი შეიტანოს ამ ფონდის გაძლიერებაში“- წერია წერილში.
 საქართველოს პრეზიდენტი ზვიად გამსახურდია.1993 წლის 9 ივნისი.
 
 
წინა სტატიაბიზნესმენმა მანანა მიქავამ მერიასთან აქცია გამართა [Video]
შემდეგი სტატიაჟენევის მოლაპარაკება ამჯერადაც უშედეგოდ დასრულდა
ტელეკომპანია ოდიშის საინფორმაციო სამსახური