ირაკლი ჩიქოვანი არც უარყოფს და არც ადასტურებს ინფორმაციას მაისში დაგეგმილ არჩევნებში კენჭისყრაში მონაწილეობის შესახებ. მას შემდეგ, რაც ზუგდიდში, მერობის კანდიდატების შიდა რეიტინგი გამოქვეყნდა, აქტიურად მიდის იმაზე საუბარი, რომ მმართველი გუნდი მერობის კანდიდატად ირაკლი ჩიქოვანს დაასახელებს. „ოდიშინიუსის“ წყაროს ცნობით, ჩიქოვანს უკვე ქონდა შეხვედრები ამ საკითხთან დაკავშირებით პარტიაში. ის უქმეებზე ზუგდიდშიც იმყოფებოდა. ჩვენ დავუკავშირდით ირაკლი ჩიქოვანს, რომელმაც დაადასტურა რომ ზუგდიდში მართლა იმყოფებოდა, თუმცა ოჯახურ გარემოში: „ჩემს სახლში ვიყავი შაბათ-კვირა იყო, 8 მარტი და ჩემებთან ჩამოვედი“- განაცხადა ირაკლი ჩიქოვანმა, კითხვას, მოიაზრება თუ არა ის ოცნებიდან მერობის კანდიდატად ზუგდიდში, ორაზროვანი პასუხი გასცა: „ ნუ წავალთ მოვლენებს წინ, დანარჩენს პარტია გააკეთებს თვითონ განცხადებას“- განაცხადა ჩიქოვანმა.

ირაკლი ჩიქოვანი პარტია „თავისუფალი დემოკრატების“  ყოფილი წევრი და 2016 წლის საპარლამენტო არჩევნებში ზუგდიდის მაჟორიტარი დეპუტატობის კანდიდატი იყო. 2018 წლის დეკემბრიდან კი მთავრობის ადმინისტრაციის სტრატეგიული კომუნიკაციების სამსახურის უფროსის პორტფელს იკავებს.

 

ფოტო: faceebok