კომპანია “ფრესკოს” დამფუძნებელი ბიზნესზე ზეწოლაზე საუბრობს და განცხადებას ავრცელებს

0
392
"სუპერმარკეტების ქსელმა „ფრესკომ“ შემოსავლების სამსახურის წინააღმდეგ პროკურატურაში საჩივარი შეიტანა. კომპანიის დამფუძნებლის განცხადებით, მისი ქონება დაყადაღებულია და „ფრესკოს“ მილიონ ლარამდე ჯარიმა აქვს დაკისრებული.
 
"უკვე ორი-სამი წელიწადია, კომპანიის მიმართ ხდება გარკვეული ქმედებები, თუმცა, სანამ მთლიანად სამართლებრივი სივრციდან არ გავიდნენ, ხმა არ ამოგვიღია. მე მივიღე წინადადება კომპანიის გაყიდვის შესახებ. ყოველთვის ვამბობ, რომ კომპანია "ფრესკო" არ იყიდება", – ამბობს სოფრომაძე.
 
"არ მაინტერესებს, ვინ გაიმარჯვებს არჩევნებში, მე არც იმ მთავრობასთან ვმეგობრობდი და არც თქვენთან ვმეგობრობ და ვინც არ უნდა მოვიდეს, არავისთან ვაპირებ მეგობრობას, იმიტომ, რომ ჩემი წარმატების საფუძველი, ზუსტად ის არის, რომ მე არ ვმეგობრობ მთავრობასთან და ვიხდი გადასახადებს, გრცხვენოდეთ“, – განაცხადა ვასილ სოფრომაძემ.
 
მისი თქმით, მან შემთხვევით აღმოაჩინა, რომ მისი პირადი ქონება დაყადაღებულია პირადი ავტომობილის განბაჟების გადასახადის, 3000 ლარის გადაუხდელობისთვის, რომელიც ვასილ სოფრომაძის თქმით, 2011 წელს გადაიხადა. ბიზნესმენის თქმით, ეს არის ზეწოლა, რადგან არ დათანხმდა ბიზნესის გაყიდვას.  
წინა სტატიაგლდანში საქართველოს ბანკზე თავდასხმა მოხდა
შემდეგი სტატია“ამ ხელისუფლებას ის მოუღებს ბოლოს ვისგანაც ამას ყველაზე ნაკლებად ელის, ეს ბიზნესია” – ოპოზიცია “ფრესკოს” დამფუძნებლის სკანდალურ განცხადებას ეხმაურება
ტელეკომპანია ოდიშის საინფორმაციო სამსახური