ფრაქცია "ნაციონალური მოძრაობის" თავმჯდომარის ანა წითლიძის ინიციატივით საკრებულოში წერილი შევიდა. წითლიძე მიმართავს საკრებულოს თავმჯდომარეს, შესაბამის კომისიებში განიხილონ ინიციატივა, რომელიც ეხება დედოფალ ეკატერინეს სახელობის ქუჩის, სკვერის ან მოედნის სახელდებას, ასევე დედოფალ ეკატერინეს სკულპტურის შექმნას. საკრებულოს წევრი მიიჩნევს, რომ ძეგლის კონცეფციისა და დადგმის საკითხში სპეციალისტები უნდა ჩაერთონ და ეს თემა ფართო მსჯელობის საგანი უნდა გახდეს.
"დედოფალ ეკატერინეს უდიდესი როლი მიუძღვის ზუგდიდის როგორც ევროპული ტიპის ქალაქის განვითარებაში როგორც არქიტექტურული ისე კულტურული თვალსაზრისით. დიდია დედოფალი ეკატერინეს როლი როგორც ქალი ლიდერისა, რომელსაც უმძიმეს პერიოდში მოუწია სამთავრობოს მართვა'- წერია განცხადებაში