,,TBC ბანკის ირგვლივ გაჩენილი კითხვის ნიშნები საფრთხეს უქმნის იმ ბიზნესგარემოს, რომლის შექმნასაც საქართველო ძალიან დიდხანს ცდილობდა” – გაფრთხილება საერთაშორისო საზოგადოებრიობისგან

0
405
TBC ბანკის გარშემო მიმდინარე პროცესებს საქართველოში გაეროს კოორდინატორი ეხმაურება. ლუიზა ვინტონი პროცესებს საფრთხის შემცველს უწოდებს და გამჭვირვალე გამოძიების ჩატარების აუცილებლობაზე საუბრობს.
 
მისი თქმით, TBC ბანკის ირგვლივ გაჩენილი კითხვის ნიშნები საფრთხეს უქმნის იმ ბიზნესგარემოს, რომლის შექმნასაც საქართველო ძალიან დიდხანს ცდილობდა. 
 
„ეს არის გარკვეული გამოცდა საქართველოს სასამართლო სისტემისთვის, ბიზნესგარემოსა და მარეგულირებელი სისტემებისთვის, ჩვენ ველით შედეგს, რომელიც იქნება გამჭვირვალე და სანდო. საქართველო დიდი ხნის განმავლობაში მუშაობდა იმაზე, რომ მარალი რეიტინგი მოეპოვებინა ბიზნესგარემოს კუთხით, საქართველოს გააჩნია ნდობით აღჭურვილი საბანკო სისტემა და მარეგულირებელი ორგანოები. ჩვენ ვხედავთ,რომ ამჟამად ეს ყველაფერი საფრთხის ქვეშაა და ველოდებით ამ ყველაფრის სწრაფად მოგვარებას",- აცხადებს ლუიზა ვინტონი.
 
საქართველოში შვედეთის ელჩის, ულრიკ თიდესტრომის განცხადებით, მნიშვნელოვანია, რომ „თიბისი ბანკის“ საქმის ირგვლივ პროცესი სათანადოდ წარიმართოს.
 
„, ჩვენ და ასევე საერთაშორისო ინვესტორები, ყურადღებით ვაკვირდებით მოვლენებს. საქმის არსებით ნაწილზე კომენტარს ვერ გავაკეთებ, თუმცა ჩემი აზრით, მნიშვნელოვანია, რომ პროცესი სათანადოდ წარიმართოს“, – ასე ეხმაურება  „თიბისი ბანკის“ საქმის ირგვლივ განვითარებულ მოვლენებს შვედეთის ელჩი. 

წინა სტატია„მკვდარი სულების დაბრუნება“ ივანიშვილს პოლიტიკაში ყოფნას ვერ გაუხანგრძლივებს.” – სალომე სამადაშვილი
შემდეგი სტატიასათადარიგო ბორბალი საქმეს ვერ უშველის, ივანიშვილი შევარდნაძის ბედს გაიზიარებს – პოლიტიკოსები ირაკლი ღარიბაშვილის ,,მეორედ მოსვლას” ეხმაურებიან
ტელეკომპანია ოდიშის საინფორმაციო სამსახური