გუშინ ხორავას ქუჩაზე მოზარდების მკვლელობის საქმესთან დაკავშირებით დაკავებული მირზა სუბელიანი სასამართლომ პატიმრობაში დატოვა. დაცვის მხარე მისი გირაოს სანაცვლოდ გათავისუფლებას ითხოვდა.
საბოლოოდ მოსამართლემ გაიზიარა პროკურატურის შუამდგომლობა და მირზა სუბელიანი კვლავ პატიმრობაში დატოვა.
დღეს თბილისის სააპელაციო სასამართლოში ამავე საქმესთან დაკავშირებით არასრულწლოვნების, გ.ჯ.-სა და გ.ბ.-ს ბრალდების სისხლის სამართლის საქმეზე პროცესი აიმართება.
სხდომა 15:00 საათზეა დანიშნული, რომელიც მიხეილ კალანდიას ძმის, ლუკა კალანდიას დაკითხვით გაგრძელდება. აღნიშნული მოწმე გასულ სხდომაზე ბრალდების მხარემ დაკითხა, დღეს კი, კალანდიას კითხვებს დაცვის მხარე დაუსვამს.
შეგახსენებთ, თბილისის საქალაქო სასამართლომ ლევან დადუნაშვილის განზრახ მკვლელობაში დამნაშავედ გ.ბ. სცნო, დავით სარალიძის მკვლელობის მცდელობისთვის კი, გ.ჯ.
სასამართლოს ეს გადაწყვეტილება თბილისის სააპელაციო სასამართლოში ორივე მხარემ გაასაჩივრა