მიხეილ სააკაშვილი: ეს რა სამარცხვინო მარიონეტების თეატრია პარლამენტში. რა კობახიძე და სხვა ბურატინოები და რა მალვინა ბესელია – კარაბას-ბარაბასია მოსაშორებელი!

0
366
პარლამენტში  მოსამართლეთა უვადოდ დანიშვნასთან დაკავშირებული კანონპროექტის ხმაურიან განხილვას საქართველოს მესამე პრეზიდენტი ეხმაურება.
 
მიხეილ სააკაშვილი სოციალურ ქსელში წერს, რომ პარლამენტში მარიონეტების თეატრია.
 
,,ეს რა სამარცხვინო მარიონეტების თეატრია პარლამენტში…დღეს ასე ასჯერ ახსენეს ჩემი სახელი სასამართლოსთან მიმართებაში და თითქმის არ ახსენეს ამ თოჯინების თეატრის დირექტორის სახელი.
 
რა კობახიძე, რა მურუსიძე, მდინარაძე და სხვა ბურატინოები, რა მალვინა ბესელია, კარაბას-ბარაბასია მოსაშორებელი და თუ რომელიმე ჩემი თანამებრძოლი კომპლექსდება "9 წლით",  მინდა მეათასედ გავიმეორო:
 
ეს იყო ყველაზე საამაყო 9 წელი საქართველოს უახლოეს ისტორიაში!
 
ის, ვინც მშვიდად უყურებს აღმშენებლობის 9 წლის ნგრევის და უბედურების წლებად გამოცხადებას, იმას მე პირადად, ჩემს თანამებრძოლად ვერ ჩავთვლი. ”
 
წერს საქართველოს ყოფილი პრეზიდენტი მიხეილ სააკაშვილი სოციალურ ქსელში. 
 
წინა სტატიაანტალიაში 5 ქართველი ფეხბურთელი დააკავეს- ისინი მაღაზიიდან სპორტული საქონლის ქურდობაში არიან ეჭვმიტანილები
შემდეგი სტატია,,არაფერია გამორიცხული, მაგრამ ეკა ბესელიას გამყოლად არ მგონია, გამოვდგე”- ნუკრი ქანთარია გუნდში ,,შენჯღრეული მდგომარეობისა” და თავისი შესაძლო წასვლის შესახებ
ტელეკომპანია ოდიშის საინფორმაციო სამსახური