ილია მეორემ მოსკოვის საპატრიარქოს დაქვემდებარებაში მყოფი უკრაინის ეკლესიის წარმომადგენლები მიიღო

0
363
დღეს  სრულიად საქართველოს კათოლიკოს-პატრიარქმა უკრაინის ეკლესიის (მოსკოვის საპატრიარქო) საგარეო განყოფილების ხელმძღვანელს, ბორისპოლისა და ბროვარსკის მიტროპოლიტ ანტონს (პაკანიჩი) და მის თანმხლებ პირებს უმასპინძლა. ინფორმაციას ამის შესახებ საპატრიარქო ავრცელებს.
 
საპატრიარქოს თქმით, მიღებას საპატრიარქო ტახტის მოსაყდრე, მიტროპოლიტი შიო (მუჯირი), მღვდელმთავრები და სამღვდელოება ესწრებოდა.
 
„შეხვედრა არაოფიციალური იყო და სტუმრობის მიზანს წარმოადგენდა უკრაინაში განვითარებული მოვლენების შესახებ ინფორმაციის მოწოდება და მათი პოზიციის ჩვენთვის გაცნობა. ითქვა, რომ ტომოსის გადაცემის შემდეგ სხვადასხვა ტაძრებსა და რეგიონებში ხშირია კონფლიქტი მორწმუნეთა შორის ეკლესიების კუთვნილებასთან დაკავშირებით, რაც დიდ დაპირისპირებას ქმნის მრევლში და სასულიერო პირებთან მიმართებაში.
 
მისმა უწმინდესობამ სტუმრებს მადლობა გადაუხადა და კიდევ ერთხელ გამოთქვა გულისტკივილი შექმნილი სიტუაციის გამო, ამასთან მოუწოდა ლოცვის გაძლიერებისკენ, რათა ღვთის მადლით დაიძლიოს პრობლემა და მართლმადიდებელთა ერთობა შენარჩუნდეს.“- ნათქვამია საპატრიარქოს მიერ გავრცელებულ ინფორმაციაში.
წინა სტატია“ქარბუქმა ჩვენი კარავი დალეწა, მაგრამ საქართველოს დროშას ვერაფერი დააკლო”
შემდეგი სტატიათენგიზ ჯგუშია სკეიტ-პარკის ტერიტორიაზე სასტუმროს აშენებას ხვალ აქციით გააპროტესტებს
ტელეკომპანია ოდიშის საინფორმაციო სამსახური