თბილისში ლგბტქი პრაიდი გაიმართება

0
424
 ლგბტქი აქტივისტების საინიციატივო ჯგუფის ორგანიზებით თბილისში 2019 წლის 18-23 ივნისს, საქართველოში პირველად, პრაიდი გაიმართება.
18-23 ივნისს, თბილისი პრაიდის ფარგლებში სხვადასხვა სოციალური, კულტურული და პოლიტიკური ღონისძიება გაიმართება. პრაიდის კვირეულს დაასრულებს – ღირსების მარში, რომლის ფორმა არ იქნება საზეიმო და კარნავალური. ამის შესახებ ნათქვამია კვირეულის ორგანიზატორების მიერ გავრცელებულ განცხადებაში:
 
“ჩვენ ვართ ლესბოსელი, გეი, ბისექსუალი, ტრანსგენდერი, ინტერსექსი და ქვიარ ადამიანები.
 
ჩვენზე ძალადობენ ოჯახში, სკოლაში, ქუჩასა და სამსახურში. გვივარდებიან სახლებშიც, გვაგდებენ ოჯახებიდან. ჩვენ გვკლავენ!
 
ჩვენი დები და ძმები საზოგადოებაში არსებული სიძულვილისა და აგრესიის გამო სხვა ქვეყნებში ეძებენ თავშესაფარს. ჩვენ არ გვინდა გაქცევა, გვინდა ღირსეულად ვიცხოვროთ ჩვენს ქვეყანაში!
 
ჩვენ გვეხება და გვაწუხებს ქვეყანაში არსებული სიღარიბე, უმუშევრობა, ოკუპაცია და სოციალური უთანასწორობა.
 
ჩვენ გვიყენებენ მნიშვნელოვანი სოციალური პრობლემებიდან ყურადღების გადასატანად, რაც ყველას თანაბრად გვაზიანებს!
 
ჩვენ ვართ მშვიდობიანი მოქალაქეები და გვინდა ვიცხოვროთ არაძალადობრივ საზოგადოებაში.
 
ჩვენ გვჯერა, რომ საზოგადოება შემდგარია მაშინ, როდესაც მისი თითოეული წევრის უფლებები აღიარებული და დაცულია.
 
ჩვენ არ ვაპირებთ დამალვას, რადგან გაუსაძლისია ასე ცხოვრება და არ გვაქვს სხვა არჩევანი გარდა ღირსებისთვის ბრძოლისა!
 
ჩვენ არ ვართ ცოტა და არავის დავტოვებთ მარტოს.
წინა სტატიაზუგდიდში სკეიტ-პარკის ტერიტორიაზე სასტუმროს მშენებლობის კონცეფცია საჯაროდ განიხილეს [Video]
შემდეგი სტატიასაპენსიო რეფორმის შეჩერების ინიციატივით “ევროპულმა საქართველომ” პარლამენტს მიმართა
ტელეკომპანია ოდიშის საინფორმაციო სამსახური