საქართველოს პარლამენტის თავმჯდომარე ირაკლი კობახიძე თურქეთის რესპუბლიკაში ვიზიტით იმყოფება

0
365
საქართველოს პარლამენტის თავმჯდომარე ირაკლი კობახიძემ თურქეთის რესპუბლიკაში ვიზიტი დაიწყო.
 
ოფიციალური შეხვედრების დაწყებამდე, ირაკლი კობახიძემ, თანმხლებ დელეგაციასთან ერთად, ათათურქის მავზოლეუმი დაათვალიერა. პარლამენტის თავმჯდომარემ თურქეთის რესპუბლიკის დამაარსებლის საფლავი გვირგვინით შეამკო და ხსოვნის წიგნში ჩანაწერი გააკეთა.
 
 ვიზიტის ფარგლებში, პირველი შეხვედრა ირაკლი კობახიძემ თურქ კოლეგასთან – ქვეყნის დიდი ეროვნული ასამბლეის თავმჯდომარე ბინალი ილდირიმთან გამართა.
 
 
პირისპირ და შემდეგ, გაფართოებულ ფორმატში გამართულ შეხვედრაზე ორმხრივი სტრატეგიული და პარტნიორული ურთიერთობების შესახებ ისაუბრეს. ყურადღება საპარლამენტთაშორისო კავშირებისა და ეკონომიკური თანამშრომლობის გააქტიურებაზე გამახვილდა.
 
საუბარი შეეხო ორ ქვეყანას შორის კულტურული და ტურიზმის მიმართულებით თანამშრომლობის გაღრმავებას და ამ კუთხით არსებულ პოტენციალს.
 
მხარეებმა რეგიონში არსებული ვითარება მიმოიხილეს და ხაზგასმით აღნიშნეს საქართველოსა და თურქეთს შორის მჭიდრო სტრატეგიული თანამშრომლობის მნიშვნელობა.
 
დიდი ეროვნული ასამბლეის თავმჯდომარემ თურქეთის მხრიდან ჩვენი ქვეყნის ტერიტორიული მთლიანობისა და სუვერენიტეტისადმი, ასევე საქართველოს დასავლური მისწრაფებების მიმართ ურყევი მხარდაჭერა კიდევ ერთხელ დაადასტურა.
 
როგორ შეხვედრის დასრულების შემდეგ საქართველოს პარლამენტის თავმჯდომარემ ჟურნალისტებს განუცხადა, საუბარი ორი სახელმწიფოსთვის სტრატეგიული და ეროვნული მნიშვნელობის საკითხებს შეეხო.
 
„ჩვენთვის განსაკუთრებული მნიშვნელობა აქვს თურქეთსა და საქართველოს შორის ურთიერთობას და მეგობრობას. პოლიტიკური და ეკონომიკური კუთხით, ამას ჩვენთვის სტრატეგიული მნიშვნელობა აქვს. აქედან გამომდინარე, ვიმსჯელეთ ჩვენი ურთიერთობის, მეგობრობის ყველა ასპექტზე, დაწყებული პოლიტიკური თანამშრომლობით, გაგრძელებული ეკონომიკური, კულტურული ურთიერთობებით. ჩვენი თანამშრომლობის თითოეული ეს განზომილება არის განსაკუთრებით მნიშვნელოვანი. ასევე, რა თქმა უნდა, საუბარი გვქონდა ჩვენი ორი სახელმწიფოსთვის სტრატეგიული და ეროვნული მნიშვნელობის საკითხებზე. მათ შორის, ჩვენ, ბუნებრივია, კიდევ ერთხელ გავამახვილეთ ყურადღება ტერიტორიული მთლიანობის საკითხებზე და ჩვენს თურქ კოლეგას მადლობა გადავუხადეთ იმ თანადგომისთვის, მხარდაჭერისთვის, რომელსაც ამ მიმართულებით ვგრძნობთ ჩვენი თურქი მეგობრების მხრიდან“,- განაცხადა ირაკლი კობახიძემ.დელეგაციის შემადგენლობაში საქართველოს პარლამენტის წევრები: არჩილ ხაბაძე, ზვიად კვაჭანტირაძე, ირაკლი კოვზანაძე, კობა ნაკაიძე, რამაზ ნიკოლეიშვილი და პარლამენტის თავმჯდომარის კაბინეტის უფროსი, ნიკოლოზ სამხარაძე შედიან
 
წინა სტატიამღვდლები, რომლებიც ამბიონიდან იქადაგებენ ამა თუ იმ საპრეზიდენტო კანდიდატის სასარგებლოდ, სასჯელს დაექვემდებარებიან … მაგრამ ეს უკრაინაში
შემდეგი სტატიაბათუმში სახლი გაძარცვეს და ქალი წებოვანი ლენტით სკამზე დააკრეს
ტელეკომპანია ოდიშის საინფორმაციო სამსახური