დაეკისრებათ თუ არა გადასახადი ოჯახებს, რომელთაც 2 და მეტი ძროხა ჰყავთ – სურსათის ეროვნული სააგენტოს განმარტება

0
350
გავრცელებულ ინფორმაციას, რომ მესაქონლეებს – ოჯახებს, რომელთაც სახლში 2 ან მეტი ძროხა ჰყავთ და ყველს და რძის ნაწარმს ყიდიან, 2020 წელს მეწარმე-სუბიექტად დარეგისტირება და გარკვეული საფასურის გადახდა მოუწევთ, "სურსათის ეროვნული სააგენტო" განცხადებით ეხმიანება.
 
"გავრცელებული ინფორმაცია იმის შესახებ, რომ 2-3 ძროხის ყოლის შემთხვევაში მეპატრონეს საფასურის გადახდა და ფინანსური ვალდებულებები დაეკისრება, სინამდვილეს არ შეესაბამება.
2020 წლიდან ბიზნესოპერატორად რეგისტრაცია სავალდებულოა იმ ფიზიკური პირებისთვის, ვინც აწარმოებს და ბაზარზე განათავსებს სურსათს. ბიზნესოპერატორად რეგისტრაცია უფასოა. აღნიშნული რეგულაცია ევროკავშირთან თავისუფალი სავაჭრო სივრცის შესახებ შეთანხმების ფარგლებში აღებული ვალდებულებების შესაბამისად განხორციელდება.
 
რეგულაციის მთავარი მიზანი მომხმარებლის ჯანმრთელობის დაცვაა, სამომხმარებლო ბაზრის უვნებელი სურსათით უზრუნველყოფის გზით. აღნიშნული ცვლილება ხელს შეუწყობს სურსათის მიკვლევადობას და სურსათის წარმოებისას თანამედროვე სტანდარტების და სანიტარიულ-ჰიგიენური ნორმების დანერგვასა და დაცვას. ფერმერებს სურსათის უვნებლობის სპეციალისტები მიაწვდიან დეტალურ ინფორმაციას და გაუწევენ რეკომენდაციებს," – ნათქვამია სურსათის ეროვნული სააგენტოს განცხადებაში.
წინა სტატიათენგიზ ჯგუშია ზუგდიდის ბოტანიკური ბაღის შენარჩუნებისა და განვითარების ფონდის შექმნის ინიციატივით გამოდის
შემდეგი სტატიავინ ჩაწერა სკანდალური ვიდეო? – „ეკა ბესელიასთან დაკავშირებულ ფარულ ჩანაწერში ჩანს iPhone 5, რომელიც წინა ხელისუფლების დროს გამოსული არ იყო“
ტელეკომპანია ოდიშის საინფორმაციო სამსახური