წელს გამოსაშვები გამოცდები მე-12 კლასელებისთვისაც გაუქმდა

0
355
"წელს გამოსაშვები გამოცდები მე-12 კლასელებისთვისაც უქმდება" –  ამის შესახებ, პრემიერმა მამუკა ბახტაძემ დღევანდელ ბრიფინგზე განაცხადა.
 
მივიღე გადაწყვეტილება, რომ სკოლის დამამთავრებელი გამოცდები წელსვე მოეხსნათ როგორც მე-11, ისე მე-12 კლასის მოსწავლეებს.
მთავრობის პრიორიტეტია, რომ სკოლაში მოხდეს განათლების მიღება.
 
ჩვენ გვჭირდება ძლიერი და დამოუკიდებელი სკოლა, რომელიც ორიენტირებული იქნება განათლების მიღებაზე და არა იმაზე, რომ გამოცდებისთვის მოვამზადოთ ჩვენი მომავალი თაობა. განათლების მიღება სკოლაში – ეს არის ყველაზე დიდი პრიორიტეტი. შესაბამისად, ჩვენი მიზანია, რომ სკოლა და მისი ფუნდამენტი გავაძლიეროთ. ამასთან ერთად, განათლების სამინისტრომ მიიღო გადაწყვეტილება საატესტატო გამოცდების მოხსნასთან დაკავშირებით, რომელიც შეეხება 2019 წელს მე-11 კლასელებს, ხოლო 2020 წელს მე-11 და მე-12 კლასელებისთვის. ეს იყო პრინციპულად სწორი მიდგომა, თუმცა ბუნებრივია, ჩვენ გავაგრძელეთ ამასთან დაკავშირებით კონსულტაციები და მივიღე გადაწყვეტილება, რომ სკოლის დამამთავრებელი გამოცდები წელსვე მოეხსნათ, როგორც მე-11, ისე მე-12 კლასის მოსწავლეებს,“ – განაცხადა ბახტაძემ

წინა სტატია“ქართულ ოცნებას” არა აქვს მორალური უფლება დააყენოს მერობის კანდიდატი [Video]
შემდეგი სტატიაბიძინა ივანიშვილს, ცხადია, ვერ დასჯიდნენ და სუს-მა ვირუსულად ძალიან ბევრ ადამიანს გაუგზავნა ვიდეომასალა, რათა შემდგომ მათი დაკავება მომხდარიყო – თინთინ ბოკუჩავა
ტელეკომპანია ოდიშის საინფორმაციო სამსახური