ფოთში, მდინარე რიონზე გადავარდნილი მოზარდის სამძებრო სამუშაოები დღეს დილიდან განახლდა

0
375
ფოთში, მდინარე რიონში ხიდიდან გადავარდნილი მოზარდის სამძებრო სამუშაოებში მყვინთავების დამატებითი ძალები აჭარის რეგიონიდანაც ჩაერთნენ, შესაბამისად, რიონში მოზარდის სამძებრო სამუშაოები ამ წუთებშიც გრძელდება.ადგილზე იმყოფება 20 მაშველი და მობილიზებულია ყველა შესაბამისი სამსახური. „საგანგებო სიტუაციების მართვის სამსახურში შეტყობინება 16:53 შემოვიდა. თვითმხილველი იუწყებოდა, რომ მოზარდი მდინარე რიონში გადავარდა ქალაქ ფოთში, ცენტრში არსებული ხიდიდან. ზუსტად 2 წუთში სამაშველო ჯგუფები ადგილზე მივიდნენ, თუმცა პირველადი დათვალიერების შედეგად მდინარეში მოზარდი ვერ აღმოაჩინეს. ამ დროისთვის ადგილზე მობილიზებულია 20 მაშველი. მიმდინარეობს არა მხოლოდ მდინარის ზედაპირის დათვალიერება. სამძებრო სამუშაოები გაგრძელდება, ვიდრე ამინდი და მხედველობის არე მოგვცემს საშუალებას. მობილიზებულია ყველა შესაბამისი სამსახური და ყველაფერი კეთდება, რათა მოზარდი დროულად ვიპოვოთ“, – განაცხადა სამსახურის საზოგადოებასთან ურთიერთობის სამსახურის უფროსმა მიშა ფეიქრიშვილმა.
 
ფოთში, აღმაშენებლის ხიდის მოაჯირიდან 16 წლის მოზარდი მდინარე რიონში გადავარდა.
წინა სტატიაგანათლების სამინისტრო საატესტატო გამოცდებთან დაკავშირებით განცხადებას ავრცელებს
შემდეგი სტატიაენმ- რაიონებში მაჟორიტარი დეპუტატების ბიუროებისთვის წელიწადში 3 მილიონამდე ლარი იხარჯება, თუმცა 73 ბიუროდან უმეტესობა დახურულია
ტელეკომპანია ოდიშის საინფორმაციო სამსახური