NDI-ის კვლევაში ტერიტორიული მთლიანობის მიმართულებით ქვეყნის განვითარებას მოსახლეობა უარყოფითად აფასებს.
"ამერიკული ეროვნულ დემოკრატიული ინსტიტუტის" კვლევის მიხედვით, გამოკითხულთა მხოლოდ 5% მიიჩნევს, რომ ქვეყანა ტერიტორიული მთლიანობის კუთხით სწორი მიმართულებით ვითარდება.
45% აღნიშნავს, რომ ტერიტორიული მთლიანობის მიმართულებით ქვეყნის განვითარება არ იცვლება, ხოლო 47% მიიჩნევს, რომ ქვეყნის განვითარება ამ მიმართულებით არასწორია.
კვლევის საველე სამუშაოები დეკემბრის შუა რიცხვებში ჩატარდა. "ეროვნულ-დემოკრატიულმა ინსტიტუტმა" შეისწავლა მოსახლეობის განწყობა განათლების, მედიის, საგარეო კურსის და პოლიციის მუშაობის შესახებ. კვლევაში ცდომილება 2% შეადგენს.
საზოგადოებრივი აზრის კვლევის პოლიტიკურ ნაწილს ორგანიზაცია ოთხშაბათს, 30 იანვარს წარადგენს.