13-დღიანი სამაშველო ოპერაცია, რომელიც ორი კვირის მანძილზე მიმდინარეობდა ესპანეთში ჭაში ჩავარდნილი ბიჭუნას ამოსაყვანად, ტრაგიკულად დასრულდა .
ადგილობრივი ხელისუფლების მიერ დღეს გავრცელებული ინფორმაციით, წუხელ, ღამის 1:25 საათზე სამაშველო ჯგუფმა მიაღწია ადგილს, სადაც ბიჭი ეგულებოდათ,მაგრამ იგი გარდაცვლილი დახვდათ. ბავშვის ცხედარი ამოსვენებულია .
ორი წლის ბიჭუნა ჟულიენ როსელო 13 იანვარს ჩავარდა 110 მეტრის სიღრმის ჭაში, უფრო ზუსტად, თავღია ჭაბურღილში, როცა ესპანეთის სამხრეთით, ტოტალანში მშობლებთან ერთად პიკნიკზე იმყოფებოდა.
სამაშველო ოპერაციას ართულებდა ის, რომ ჭა ძალიან ვიწრო, 25 სანტიმეტრი დიამეტრისა იყო და მასში მოზრდილი ადამიანი ვერ გაეტეოდა.
მაშველებს გვერდითა ჩასასვლელის გათხრა მოუხდათ, რაც დიდ საფრთხესთან იყო დაკავშირებული, რადგან ამას შესაძლოა ხვრელის ჩაქცევა და ბავშვის ცოცხლად დამარხვა მოჰყოლოდა, თუ რა თქმა უნდა ჯერი სევ ცოცხალი იყო ( წუხანდლამდე ამის შესახებ არაფერი იყო ცნობილი)
ბოლო დღეებში სულ უფრო ნაკლები შანსი რჩებოდა იმისა, რომ ბავშვი ცოცხლად ამოეყვანათ, რადგან ამ სიმაღლიდან ჩავარდნას არ შეიძლება მრავლობითი ტრავმები არ მოჰყოლოდა, მაგრამ მაშველებს ძალა არ დაუშურებიათ. ბავშვის გადასარჩენად წარმოუდგენელი საინჟირნო სამუშაოები დღეში 24 საათი მიდიოდა
მთა მოჭრეს! ათობით ბულდოზერის მეშვეობით დაახ. 30 მეტრზე. ამ ჭის პარალელურად გააკეთეს 1 მეტრის დიამეტრის ხვრელი. ჩავიდნენ იმ ჭის ას მეტრიან ნიშნულამდე. ჩაუშვეს ამ ხვრელში მილები, მილებში კაფსულით 8 მაშველი და ეს მაშველები ხელით თხრიდნენ მიწას ს რომ ბავშვამდე მიეღწიათ. სულ 4 მეტრის სიგრძის გვირაბი უნდა გაეთხარატ ანუ ბავშვის სიღრმეზე იმყოფებოდნენ , მისგან 4 მეტრის დაშორებით.
ამ ოპერაციაში მონაწილეობდა მთელი სახელმწიფო, ეხმარებოდნენ სხვა ქვეყნები თანხებით, ტექნიკურ საშუალებებით, ბულდოზერებით, დანადგარებით, ბურღებით, ცოცხალი ძალით.
სამაშველო სამსახურის სკრუპულოზურ სამუშაოებს მთელი ამ ხნის განმავლობაში უდიდესი ყურადღებითა და გულისტკივილით ადევნებდა თვალს მთელი მსოფლიო და პირველ რიგში ესპანეთი . ქვეყანა პირდაპირ ეთერში ადევნებსდა თვალყურს, როგორ ვითარდებოდა მოვლენები
ბევრი ადგილზე ჩავიდა და ადგილობრივ მცხოვრებლებთან ერთად ქუჩაში იყო გამოსული სასწაულის მოლოდინში.
,,ღმერთო, გადაარჩინე პატარა ჟულიენი'' – ლოცულობდნენ ისინი .
რაც შეეხება მშობლებს, მათი ტრაგედია განუზომელია. ,,ჩემი მეუღლე განადგურებულია'' – განაცხადა ბავშვის მამამ, როცა შვილი მკვდარი ამოუყვანეს.
