ოკუპირებული აფხაზეთი ვენესუელის ხალხისა და აშშ ხელისუფლების წინააღმდეგ

0
391
აფხაზეთის რესპუბლიკა სრულ მხარდაჭერას უცხადებს კანონიერად არჩეულ პრეზიდენტს ნიკოლას მადუროს, – ამის შესახებ ნათქვამია ოკუპირებული აფხაზეთის დე ფაქტო საგარეო უწყების განცხადებაში.
 
„აშშ-ს ხელისუფლება უცერემონიოდ ერევა სუვერენული სახელმწიფოს შიდა საქმეებში და ფაქტობრივად, შემდგომი ესკალაციის პროვოცირებას ახდენს ისედაც რთულ სიტუაციაში, რომელიც ვენესუელაშია. ამგვარი განცხადებები მოწოდებებია სახელმწიფო გადატრიალებისკენ. მაშინ, როდესაც თავშეკავებულობაა სჭირო, ვაშინგტონი განზრახ ამწვავებს სიტუაციას. აშშ-ს, როგორც ჩანს, არ აწუხებს ამგვარი ქმედებების შედეგები, რამაც სისხლისღვრა შეიძლება გამოიწვიოს“, – განაცხადეს დე ფაქტო უწყებაში.
 
შეგახსენებთ, ნიკოლას მადურომ ე.წ აფხაზეთის რესპუბლიკისა და სამხრეთ ოსეთის რესპუბლიკის  დამოუკიდებლობა აღიარა. ხაჯიმმბა და ბიბილოვი მის ინაუგურაციას ესწრებიდნენ. 
 
გუშინ ვენესუელას პარლამენტის თავმჯდომარემ და ოპოზიციის ლიდერმა ხუან გუაიდომ თავი დროებით პრეზიდენტად გამოაცხადა. ის ამ სტატუსით უკვე აღიარა აშშ-მ, კანადამ, არგენტინამ, ბრაზილიამ, კოლუმბიამ, პარაგვაიმ, პერუმ, ჩილემ, ეკვადორმა და საქართველომ.
წინა სტატიაგერმანიაში მელორ ვაჩნაძე დააკავეს, სავარაუდოდ… მაღაზიიდან ფეხსაცმლის მოპარვისათვის
შემდეგი სტატიატელეკომპანია „პირველის“ ჟურნალისტს ლევან ჩხაიძეს თბილისში ხვალ ჩამოასვენებენ
ტელეკომპანია ოდიშის საინფორმაციო სამსახური