მთავარისიახლეებისაზოგადოებაგეგეშიძე გირაოთი გაათავისუფლეს და ჭიდაობის ფედერაციის პრეზიდენტადაც დატოვეს

გეგეშიძე გირაოთი გაათავისუფლეს და ჭიდაობის ფედერაციის პრეზიდენტადაც დატოვეს

Published on

საქალაქო სასამართლომ ჭიდაობის ფედერაციის პრეზიდენტს 5 ათას ლარიანი გირაო შეუფარდა. გადაწყვეტილება გეგა გეგეშიძესთან დაკავშირებით სასამართლომ ცოტა ხნის წინ მიიღო. პროკურატურა მის გათავისუფლებას 5 ათას ლარიანი გირაოს სანაცვლოდ ითხოვდა. კიდევ ერთი მოთხოვნა გეგა გეგეშიძის მიერ თანამდებობის დატოვებას ეხება, თუმცა სასამართლომ ბრალდების მხარის ეს შუამდგომლობა არ დააკმაყოფილა და ის ისევ ჭიდაობის ფედერაციის პრეზიდენტია. გეგეშიძე გირაოს თანხის დაფარვის შემდეგ სასჯელაღსრულების დაწესებულებას დატოვებს. სასამართლო პროცესზე გეგა გეგეშიძემ ჭიდაობის ფედერაციის წარმატებაზე ისაუბრა. „მე არავის არ ვაშინებ, მე სამსახურებრივ მდგომარეობას არ ვიყენებ, ან ვინმეს დავაშინებ, ეს არის სისულელე, არც გაქცევას ვაპირებ, არც ვინმეს დაშინებას.. ასეთი წარმატებული ფედერაცია არასოდეს ყოფილა,” – აღნიშნა გეგეშიძემ. პროკურორის თქმით, ბრალდების მხარის ერთ-ერთი შუამდგომლობა, რომელიც მისი თანამდებობიდან გათავისუფლებას გულისხმობდა, სასამართლომ არ დააკმაყოფილა. ბრალდების მხარე აღნიშნულ გადაწყვეტილებას გაასაჩივრებს. „მოგეხსენებათ, რომ აღნიშნული პიროვნება 2016 წლიდან ახორციელებს ჭიდაობის ფედერაციის პრეზიდენტის უფლება-მოვალეობას. მოწმეები, რომლებიც აღნიშნულ საქმეში ფიგურირებენ და არიან პირდაპირ შემხებლობაში განსახილველ სისხლის სამართლის საქმესთან, გახლავთ მასთან უშუალოდ დაქვემდებარებაში. აქედან გამომდინარე, იყო რისკი, რომ გარკვეული ფორმით გავლენა მოეხდინა აღნიშნულ ადამიანებზე,“ – განაცხადა დავით კიკაჩეიშვილმა. ადვოკატ ირმა ჭკადუას თქმით, მისი დაცვის ქვეშ მყოფი გამოძიებასთან თანამშრომლობს.

სიახლეები

გუშინ მშვიდად გეძინათ საბა ჯიქიას მიმართ გამოტანილი უსამართლო განაჩენის შემდეგ? – ნიკა კაცია მოსამართლე მჭედლიშვილს

გუშინ მშვიდად გეძინათ გამოტანილი უსამართლო განაჩენის შემდეგ? - ამ სიტყვებით მიმართა სინდისის პატიმარმა, ნიკა...

“პრაღის სამოქალაქო საზოგადოების ცენტრი” მზია ამაღლობელის დაუყოვნებლივ გათავისუფლებას მოითხოვს

"პრაღის სამოქალაქო საზოგადოების ცენტრი" მზია ამაღლობელის დაუყოვნებლივ გათავისუფლებას მოითხოვს - ჟურნალისტის მხარდამჭერ განცხადებაში ნათქვამია,...

კურსკში მოკლულია რუსი ბრიგადის მეთაური, პოლკოვნიკი სერგეი ილინი

2 ივლისს კურსკში მიმდინარე საბრძოლო მოქმედებების მსვლელობისას დაიღუპა 155-ე საზღვაო ფეხოსანთა ბრიგადის მეთაური, რუსი...

გაყინული რუსული აქტივების გამოყენებით ევროკავშირმა უკრაინას $1.2 მილიარდი გადასცა

უკრაინის პრემიერმინისტრმა დენის შმიგალმა 10 ივლისს განაცხადა, რომ უკრაინამ ევროკავშირისგან დამატებით 1 მილიარდი ევრო...