„მე საზოგადოებასთან და ადამიანთან არც ურთიერთობა მეშლება და არც საუბარი, არც ზრდილობა მაკლია. რომ გითხრათ, რომ ვამაყობ, ნამდვილად ეს ასე არ არის, თუმცა ეს არის ადამიანების დაჯგუფება, რომელიც ძირითადად დაკავებულია სიცრუით“, – განაცხადა თბილისის მერმა „იმედი-LIVE“-ის ეთერში
თბილისის მერს, კახა კალაძეს ოპოზიციის მიმართ თავისი გამონათქვამი „გამოქანებასთან''“ დაკავშირებით მოსწონს, მაგრამ არ მოსწონს ბრალდებები, რომელიც თბილისის გაზგამანაწილებელ კომპანიაში მისი ბიზნესინტერესების ეხება.
როგორც ჩანს, ოპოზიცია და მედია მისთვის მეტისმეტად მტკივნეულ საკითხებს შეეხო და ამიტომ გამოიყვანა მწყობრიდან, თორემ აქამდე ხომ არაფერი შეშლია და მაღალი კულტურის პოლიტიკოსად აჩვენა თავი საზოგადოებას. ზრდილობიანი მერი სხვას ურჩევს გამოექანოს, მარამ ამასობაში თავად მიექანება სადღაც უკვე დიდი ხანია, ხალხს კი თავისი ზრდილობის არაერთ ქრესტომათიულ მაგალითს უტოვებს.
„თქვენ, ალბათ, მთაწმინდა იცით, სატელევიზიო ანძა იცით, ისიც იცით, რომ რეაბილიტაციის პროექტს ვახორციელებთ. ყველაზე მნიშვნელოვანია, რომ ჩვენ იქ ადგილს ვაფართოებთ, გამოსაქანებელ ადგილს და შეუძლიათ, ეს ადამიანები აბრძანდნენ და … ნუ მიშას არ გამოუვა, მაგრამ შეუძლია, ჰოლანდიიდან გამოექანოს,“
„იმ სახელმწიფოს დედა ვატირე, გრიგოლა ვაშაძე რომ გადატრიალებას დაუპირებს," – აღნიშნა კალაძემ.
კიდევ ერთი ფრაზა, რომელიც კახა კალაძემ გამოიყენა, უკვე "რუსთავი 2-ის" ჟურნალისტს ეხება. „თქვენ ფიქრობთ, რომ ახლა გოთვერნულ კითხვებს მისმევთ?“
ამ ფრაზებზე კომენტარი ზრდილობის ფარგლებში ძნელია, ერთი რამ დანამდვილებით შეიძლება ითქვას კახი კალაძე ხალხს უსათუოდ დაამახსოვრდება მისი ,,გადაშენებიდან'' ( ესეც მისი ტერმინია) ცოტახანს მაინც , სხვა დასამახსოვრებელი არც არაფერია, ვარდებიან ქურთუკსა და ქოშებს თუ არ ჩავთვლით, რასაკვირველია.