გრიპის ვირუსის კიდევ ერთი მსხვერპლი- ზუგდიდის რეფერალურ ჰოსპიტალში შუახნის მამაკაცი გარდაიცვალა. რეფერალური საავადმყოფოს კლინიკური მენეჯერის სულხან ორჟონიას ინფორმაციით, პაციენტი დღეს დილით გარდაიცვალა. "გრიპის სიმპტომებით შემოყვანილი პაციენტი დღეს დილით გარდაიცვალა, ის საავადმყოფოში ერთი კვირის განმავლობაში იმყოფებოდა და მკურნალობის კურსს გადიოდა, თუმცა მისი გადარჩენა ვერ მოხერხდა."- განაცხადა ორჟონიამ. ექიმის თქმით, დადასტურებულად იმის თქმა, რომ პაციენტს ღორის გრიპი ქონდა, შეუძლებელია, თუმცა ანალიზები გაგზავნილია და ლაბორატორიულად დადასტურებას ელოდებიან.ამ დროისთვის საავადმყოფოში 27 პაციენტი განაგრძობს მკურნალობს, აქედან 5 მცირეწლოვანია, ხოლო ერთის მდგომარეობა მძიმეა და ხელოვნური სუნთქვის აპარატზეა მიერთებული.
ბოლო 2 თვის განმავლობაში H1N1 ვირუსით საქართველოში 20-მდე ადამიანი გარდაიცვალა