საპრეზიდენტო არჩევნების შემდეგ, დემოკრატიის ინდექსის რეიტინგში საქართველოს პოზიცია გაუარესდა

0
376
დემოკრატიის რეიტინგში რომელსაც ბრიტანული კომპანია Economist Intelligence Unit-ი ადგენს, საქართველო ერთი პოზიციით ჩამოქვეითდა.
 
2017 წელს საქართველო 167 ქვეყანას შორის 78-ე ადგილზე იყო 5,93 ქულით, 2018 წელს კი 79-ე ადგილზე 5,50 ქულით. საქართველო ჰიბრიდული რეჟიმის ქვეყნების ჯგუფს მიეკუთვნება
 
კვლევაში აღნიშნულია, რომ საპრეზიდენტო არჩევნების შედეგად, აღმოსავლეთ ევროპაში საქართველოს დემოკრატიის ხარისხის ყველაზე მკვეთრი ვარდნა აქვს.
 
„ივანიშვილის გავლენის ქვეშ მყოფი ხელისუფლება საპრეზიდენტო არჩევნების მეორე ტურში ჩაერია და არჩევნებიდან 2 დღეში 600 ათას მოქალაქეს დავალიანება ჩამოაწერა.“- ნათქვამია კვლევაში.
 
დემოკრატიის დონე საარჩევნო პროცესის, მთავრობის ფუნქციონირების, პოლიტიკაში მონაწილეობისა და პოლიტიკური კულტურის მიხედვით არის განსაზღვრული. რეიტინგის პირველ ხუთეულში შედიან : ნორვეგია, ისლანდია, შვედეთი, ახალი ზელანდია და დანია.
 
ბოლო ხუთეულში კი ჩადი, ცენტრალური აფრიკის რესპუბლიკა, კონგოს დემოკრატიული რესპუბლიკა, სირია და რეიტინგის ბოლო ადგილზეა ჩრდილოეთ კორეა.
წინა სტატიანიკა გვარამია: „რასაც ახლა ივანიშვილი შვრება, ხაზარაძის და სხვა ფიგურანტების პროფესიული მკვლელობა ჰქვია”
შემდეგი სტატიაგარიცხავენ თუ არა პარტიიდან ეკა ბესელიას და გედევან ფოფხაძეს?
ტელეკომპანია ოდიშის საინფორმაციო სამსახური