გიგი უგულავა: “მორიგი სირცხვილი საქართველოს მთავრობისგან. ამათ მართმადიდებლობა ეკლესიაში ჩოხაში გამოწყობილი დგომა ჰგონიათ”

0
380
უკრაინის ავტოკეფალიის საკითხზე კომენტარებს არც ხელისუფლებაში და არც მმართველ პარტიაში აკეთებენ. პრემიერმა ბახტაძემუპასუხოდ დატოვა ჟურნალისტების კითხვა, ხოლო  ფრაქცია „ქართული ოცნების“ თავმჯდომარემ მამუკა მდინარაძემ  განაცხადა , რომ ,,არ შეიძლება უკრაინის ავტოკეფალიის საკითხზე ხელოვნური აჟიოტაჟის შექმნა''.
 
,,არ შეიძლება, რომ მე თქვენს წინაშე გავაკეთო კომენტარები ვიდრე არ გააკეთებს მართლმადიდებლური ეკლესია განცხადებას, – ჩვენ ბუნებრივია ველოდებით ეკლესიის პოზიციას. ველოდებით სინოდს და ისინი დააფიქსირებენ თავის პოზიციას.''  – ასე უპასუხა მან ჟურნალისტების კითხვას, თუ რატომ იკავებს  თავსსაქართველო ამ საკითხზე პოზიციის დაფიქსირებისგან
 
“ევროპული საქართველოს“ ერთ-ერთი ლიდერი გიგი უგულავა სოციალური ქსელით პრემიერ-მინისტრ მამუკა ბახტაძეს ეხმაურება, რომელმაც უკრაინის ავტოკეფალიასთან დაკავშირებით კომენტარი არ გააკეთა.
 
“მორიგი სირცხვილი საქართველოს მთავრობისგან. ამათ მართმადიდებლობა ეკლესიაში ჩოხაში გამოწყობილი დგომა ჰგონიათ. ამხელა მოვლენა მოხდა სამართმადიდებლოში, უკრაინელ ხალხს მაინც მიულოცე! არა აქვს ამას გამართლება, სულ რომ “კორექტულობას“ იცავდე, შიდაეკლესიურ მოვლენად მიგაჩნდეს და ჩვენი ეკლესიის ოფიციალურ პოზიციას ელოდებოდე. ეს უბრალოდ პოლიტიკური სიბეცე და სირცხვილია!
 
ვულოცავ უკრაინელებს ავტოკეფალური მართმადიდებლური ეკლესიის დაფუძნებას. აბა გამოვიდეს და თქვას ვინმემ რომ კიევს, სადაც საქართველოს მსგავსად ანდრეა პირველწოდებულმა იქადაგა ქრისტეს სახარება, ეს არ ეკუთვნოდა გინდ საეკლესიო წესით, გინდაც პოლიტიკურად“, – წერს გიგი უგულავა.
წინა სტატიაეკა ბესელია: მშვიდობაში კაბინეტები და თანამდებობები – დამითმია მათთვის, ვინც პოლიტიკაში თუ ხელისუფლებაში ამ მიზნით მოვიდა
შემდეგი სტატიაპატრიარქის ეპისტოლეს გამოქვეყნების შემდეგ მმართველი გუნდი საკანონმდებლო ცვლილებებზე ალაპარაკდა
ტელეკომპანია ოდიშის საინფორმაციო სამსახური