ზუგდიდის მუნიციპალიტეტის სოფელ ცაიშში ავტოსაგზაო შემთხვევას ორი ადამიანის სიცოცხლე ემსხვერპლა.თვითმხილველების თქმით, გადაჭარბებული სიჩქარით მოძრავი ავტომობილი ბეტონის კონსტრუქციის კედელს შეეჯახა. მძღოლი და თანმხლები პირი ადგილზე დაიღუპნენ. შემთხვევა წუხელ, გვიან ღამით მოხდა. შსს-ს ინფორმაციით, გამოძიება სსკ 276-ე მუხლის მეშვიდე ნაწილით მიმდინარეობს, რაც ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს იმის მიერ, ვინც ამ სატრანსპორტო საშუალებას მართავს და რამაც გაუფრთხილებლობით გამოიწვია ორი ან მეტი ადამიანის სიცოცხლის მოსპობა.