მთავარისიახლეებიპოლიტიკაიურიდიულ საკითხთა კომიტეტის თავმჯდომარის პირველი მოადგილის თანამდებობაზე გედევან ფოფხაძე აირჩიეს

იურიდიულ საკითხთა კომიტეტის თავმჯდომარის პირველი მოადგილის თანამდებობაზე გედევან ფოფხაძე აირჩიეს

Published on

იურიდიულ საკითხთა კომიტეტის თავმჯდომარის პირველი მოადგილის თანამდებობაზე გედევან ფოფხაძე აირჩიეს. ფოფხაძეს მხარი იურიდიული კომიტეტის შვიდმა წევრმა დაუჭირა.
 
კომიტეტის სხდომაზე სამი კანდიდატურა იყო დასახელებული – გედევან ფოფხაძე, ლევან გოგიჩაიშვილი და რუსლან პოღოსიანი. ​კენჭისყრა ორჯერ გაიმართა.
 
გედევან ფოფხაძემ პირველ ჯერზე კომიტეტის წევრთა 6 ხმა მიიღო, ლევან გოგიჩაიშვილმა 5, რუსლან პოღოსიანმა კი 1.
 
ხმათა ასეთი გადანაწილების გამო, იურიდიული კომიტეტის უკვე ყოფილმა თავმჯდომარემ კენჭისყრაზე მეორედ დააყენა ლევან გოგიჩაიშვილისა და გედევან ფოფხაძის არჩევის საკითხი.
 
კენჭისყრის მეორე ტურში გედევან ფოფხაძეს შვიდი ხმა ერგო. შესაბამისად კომიტეტის სხდომაზე გადაწყდა, რომ პირველი მოადგილის თანამდებობას გედევან ფოფხაძე დაიკავებს.
 
კომიტეტის სხდომაზე ეკა ბესელიამ ხელი მოაწერა გადადგომის შესახებ განცხადებას, რომელიც დღესვე გაეგზავნება ბიუროს. ბესელიას გადადგომის შემდეგ მის მოვალეობას გედევან ფოფხაძე შეასრულებს.
 
შეგახსენებთ, რომ ეკა ბესელიამ თანამდებობიდან გადადგომის შესახებ განცხადება გასულ კვირას გააკეთა. მიზეზად მმართველი გუნდის დეპუტატმა იუსტიციის უმაღლესი საბჭოს მიერ პარლამენტისთვის გაგზავნილი უზენაესი სასამართლოს მოსამართლეობის კანდიდატთა სია დაასახელა.
 
მან თქვა, რომ გადაწყვეტილებით სიის განხილვის პროცესი ჩააგდო. ეკა ბესელიას განცხადებას მმართველ გუნდში დაპირისპირება მოჰყვა. "ქართული ოცნება" სამ ბანაკად გაიყო. ბესელიას მომხრეები, მოწინააღმდეგეები და დეპუტატები, რომლებიც პოზიციის დაფიქსირებისგან თავს იკავებენ.

სიახლეები

ზუგდიდში, მომსახურების სააგენტოდან გასული საგამოცდო ავტომობილში მყოფი პირი, გამომცდელ ინსტრუქტორს დანით დაემუქრა გამოცდაზე არაერთხელ ჩაჭრისთვის

ზუგდიდში, მართვის მოწმობის გამოცდაზე არაერთხელ ჩაჭრის შემდეგ, საგამოცდო ავტომობილში მყოფი პირი გამომცდელ ინსტრუქტორს დანით...

ვენეციის კომისიამ “ოცნების” მიერ მიღებულ კანონებზე კრიტიკული მოსაზრება გამოაქვეყნა

ვენეციის კომისია აქვეყნებს მოსაზრებას „უცხოელი აგენტების რეგისტრაციის შესახებ“ საქართველოს კანონზე, „გრანტების შესახებ“ კანონში შეტანილ...

ელინა ვალტონენმა საქართველოს პრემიერ-მინისტრთან დაგეგმილი შეხვედრა თავად გააუქმა

ფინური გამოცემის helsingin sanomat ინფორმაციით, ფინეთის საგარეო საქმეთა მინისტრმა, ეუთო-ს მოქმედმა თავმჯდომარემ, ელინა ვალტონენმა...

შეკრება-მანიფესტაციებთან დაკავშირებული წესების კიდევ უფრო მეტად გამკაცრების საკანონმდებლო პაკეტი პარლამენტმა პირველი მოსმენით მიიღო

შეკრება-მანიფესტაციებთან დაკავშირებული წესების კიდევ უფრო მეტად გამკაცრების საკანონმდებლო პაკეტი პარლამენტმა პირველი მოსმენით მიიღო. „სისხლის სამართლის...