მსახიობ გიორგი გიორგანაშვილი სასამართლომ უდანაშაულოდ ცნო

0
438

მსახიობ გიორგი გიორგანაშვილი სასამართლომ უდანაშაულოდ ცნო. “ბახალას” საქმეზე განაჩენი რამდენიმე წუთის წინ გამოცხადდა. დასკვნით სხდომაზე მოსამართლეს ბრალდებულმა გიორგი გიორგანაშვილმა სიტყვით მიმართა. “ბახალამ” საკუთარ უდანაშაულობაზე ისაუბრა და აღნიშნა, რომ ბრალდება აბსურდულია. მსახიობს ბრალი განსაკუთრებით დიდი ოდენობით ნარკოტიკული საშუალებების შეძენა-შენახვისთვის ჰქონდა წარდგენილი. ამავე საქმეზე დაკავებული ირაკლი ქორიძე კი სასამართლომ დამნაშავედ ცნო და მას 15 წლით თავისუფლების აღკვეთა მიუსაჯა. მოსამართლის გადაწყვეტილებაზე პირველი შეფასება უკვე გააკეთა გიორგი გიორგანაშვილის ადვოკატმა, გიორგიი მახარაძემ. მისი თქმით, სასამართლომ სამართლიანი გადაწყვეტილება მიიღო. „ჩვენ, როგორც გიორგანაშვილის ადვოკატებს გვქონდა დავა იმაზე, რომ ამგვარ ფაქტს ადგილი არ ჰქონია. ვამბობდით, რომ ბრალდება თვიდან ბოლომდე არის სიცრუე,“- განაცხადა გიორგი გიორგანაშვილის ადვოკატმა, გიორგი მახარაძემ. “ბახალა” პატიმრობაში მაინც რჩება, რადგან მას სხვა საქმეზე 8 წელი მისჯილი აქვს მისჯილი

წინა სტატიაბაგა-ბაღების მასწავლებლებს ხელფასები არც მომავალ წელს გაეზრდებათ
შემდეგი სტატია„ჰეპა-მერცის“ საინფუზიო ხსნარი ნორმასთან შეუსაბამოა
ტელეკომპანია ოდიშის საინფორმაციო სამსახური