საპატრიარქოში სინოდის სხდომა დასრულდა. ,,ახლა ჩვენ თავი შევიკავეთ” – განაცხადა მეუფე ზოსიმემ უკრაინის ეკლესიის ავტოკეფალიის საკითხში საქართველოს ეკლესიის პოზიციასთან დაკავშირებით

0
387
საპატრიარქოში სინოდის სხდომა დასრულდა, იგი ორ საათზე მეტ ხანს გრძელდებოდა. მედიისთვის უცნობია, კონკრეტულად რა საკითხები განიხილეს სხდომაზე , თუმცა არსებობს საფუძვლიანი ვარაუდი, რომ სხდომის მთავარი თემა  იყო საქართველოს ეკლესიის პოზიცია უკრაინის ეკლესიის ავტოკეფალიის საკითხზე.
 
საპატრიარქო უკვე დატოვა  წილკნისა და დუშეთის მიტროპოლიტმა.   მეუფე ზოსიმემ მხოლოდ იმ კითხვას უპასუხა, რაც უკრაინის ავტოკეფალიის საკითხს ეხებოდა.
 
მისი განცხადებით უკრაინის საკითხზე მსოფლიო პატრიარქის დადგენილება იანვარში გამოქვეყნდება, რის შემდეგაც საქართველოს ეკლესია თავის პოზიციას დააფიქსირებს.  
 
"მსოფლიო პატრიარქის დადგენილება გამოქვეყნდება და შემდეგ საქართველოს ეკლესია მოახდენს რეაგირებას. ახლა ჩვენ თავი შევიკავეთ", – განაცხადა მეუფე ზოსიმემ.
 
კითხვაზე, უჭერენ თუ არა მხარს უკრაინის ეკლესიის ავტოკეფალიას, მეუფემ განაცხადა: "საქართველოს ეკლესია უჭერს მხარს".
 
ჯერჯერობით ასევე უცნობია, თუ როდის გამოქვეყნდება დღევანდელი სინოდის კრების ოქმი..
წინა სტატიაეკა ბესელიამ პარლამენტის იურიდიული კომიტეტის თავმჯდომარის თანამდებობა დატოვა
შემდეგი სტატიაკათოლიკოს პატრიარქმა თავი შეიკავა ,,ციანიდის საქმეზე” მსჯელობისაგან. ,, მიმაჩნია, რომ არასწორი და არაჯეროვანია მსგავსი გადაწყვეტილება.“- აღნიშნა მეუფე პეტრემ.
ტელეკომპანია ოდიშის საინფორმაციო სამსახური