მთავარისიახლეებიპოლიტიკარუსეთის ფედერაციაში წაიღე ბატონო ბიძინა ეს შენი დემოკრატია! აუცილებლად მოვიგებთ ამ ბრძოლას!...

რუსეთის ფედერაციაში წაიღე ბატონო ბიძინა ეს შენი დემოკრატია! აუცილებლად მოვიგებთ ამ ბრძოლას! – გურჯაანსი გაერთიანებული ოპოზიციის აქცია მიმდინარეობს.

Published on

გურჯაანის სასამართლოსთან, სადაც დავით კირკიტაძის სასამართლო პროცესი უნდა გაიმართოს, გაერთიანებული ოპოზიციის აქცია მიმდინარეობს.
 
,,ე.წ. ხელისუფლებამ უნდა იცოდეს, რომ არც ერთ ჩვენს მეგობარს და მხარდამჭერს არ დავაჩაგვრინებთ. სტრასბურგამდეც რომ დაგვჭირდეს მისვლა, დავით კირკიტაძე იქნება თავისუფალი, რადგან ის თავის კონსტიტუციურ უფლებას იცავდა'', – ამ სიტყვებით მიმართა გურჯაანის რაიონულ სასამართლოსთან შეკრებილ გაერთიანებული ოპოზიციის მხარდამჭერებს გრიგოლ ვაშაძემ. 
 
„რატომ არის დავით კირკიტაძე დაკავებული? იმიტომ, რომ ამ ხელისუფლებას საქართველოს მოქალაქის ეშინია. ერთ კვირაში გაზის ფასი რომ აიწევს, ნახავენ ეს მოქალაქეები რას იზამენ. რა კანონი და რა სასამართლო გვაქვს? ზაზა სარალიძის შვილის მკვლელები, მალზაზ მაჩიკაშვილის შვილის მკვლელები გარეთ დადიან. სამართალი მხოლოდ დავით კირკიტაძეზე მოქმედებს?
 
რუსეთის ფედერაციაში წაიღე ბატონო ბიძინა ეს შენი დემოკრატია! აუცილებლად მოვიგებთ ამ ბრძოლას! ამ საქართველოს იმაზე უკეთესი დამცველი არ ჰყავს, ვიდრე გაერთიანებული ოპოზიცია. ჩვენ თქვენზე ჭკვიანები ვართ, დემოკრატიულად მოგიგებთ და გაგიშვებთ მოუსავლეთში, იქ საიდანაც მოხვედით, – განაცხადა ვაშაძემ.
 
,,დღეს თუ ვინმე უნდა იჯდეს საბრალდებო სკამზე, ეს დავით კრიკიტაძე კი არ უნდა იყოს, უნდა იყოს იმ პროვოკაციის მთავარი ორგანიზატორი, ბატონი გიორგი გახარია,“ – ეს განცხადება "ერთიანი ნაციონალური მოძრაობის” თბილისის ორგანიზაციის თავმჯდომარემ, ზაალ უდუმაშვილმა გააკეთა.
 
უდუმაშვილის შეფასებით, ველისციხეში აქციის მშვიდობიან მონაწილეებს გზის გაგრძელების და თელავის ცენტრში მშვიდობიანი აქციის გამართვის შესაძლებლობა სწორედ გიორგი გახარიამ არ მისცა და მომხდარ ინციდენტებზე სრული პასუხისმგებლობა სწორედ შს მინისტრს ეკისრება.
 
„გახარიამ დაგეგმა პროვოკაცია აქციის მშვიდობიანი მონაწილეების მიმართ და ჩახერგა ველისციხეში გზა და ის არის ამ დღის მთავარი ორგანიზატორი და მთავარი პროვოკატორი,“ – განაცხადა უდუმაშვილმა.
 
 სასამართლო ბიძინა ივანიშვილს სრულად ემორჩილება. ჩვენ პოზიტიური განწყობები და იმედი არ გვაქვს იმ სასამართლოსი, რომელიც დღეს არის ქცეული პირად ნოტარიუსად ივანიშვილის,  თუმცა, ამ შემთხვევაში ჩვენ უფრო იმედი გვაქვს მოსამართლის პირადი გადაწყვეტილების, რამდენად ვაჟკაცი იქნება მოსამართლე და რამდენად შეძლებს, მიიღოს ობიექტური გადაწყვეტილება,“ – განაცხადა ზაალ უდუმაშვილმა

სიახლეები

ექიმი-ვიზალიბერალიზაციის გაუქმება უამრავი ქართველი პაციენტისთვის სასიკვდილო განაჩენის ტოლფასი იქნება – პასუხისმგებელი რუსული ოცნებაა

საფრანგეთში მცხოვრები ქართველი ექიმი, რევაზ ბოჭორიშვილი სოციალურ ქსელში იმ საფრთხეების შესახებ წერს, რაც შესაძლოა...

“მომავალი ახალგაზრდებისაა” – დიდ პროტესტს სინდისის პატიმრების მშობლებიც უერთდებიან

თბილისში დაანონსებულ დიდ პროტესტს სინდისის პატიმრების ოჯახის წევრებიც უერთდებიან - რეჟიმის ტყვეების მშობლები "პირველებთან"...

ელექტროენერგიის მიწოდება კავკასიონის ელექტროგადამცემ ხაზზე ავარიის გამო შეიზღუდა – “საქართველოს ელექტროსისტემა”

თბილისსა და რეგიონებში ელექტროენერგიის გათიშვა კავკასიონის ელექტროგადამცემ ხაზზე ავარიას უკავშირდება. ამის შესახებ "საქართველოს ელექტროსისტემაზე"...

ხობში მოზარდს მანქანა დაეჯახა

ხობში მოზარდს მანქანა დაეჯახა. არსებული ინფორმაციით,ავტოსაგზაო შემთხვევა დღეს, დღის მეორე ნახევარში, დადიანის ქუჩაზე მოხდა,როცა მოზარდი...