“დამარცხებულის პოზიციაში არის ხელისუფლება, რომელსაც ინაუგურაციის ჩატარებისაც კი ეშინია დედაქალაქში” – ზაალ უდუმაშვილი

0
377
„ჩვენ ვიწყებთ კონსულტაციებს ოპოზიციასთან და პარალელურ რეჟიმში გრიგოლ ვაშაძე იწყებს მორიგ ტურნეს საქართველოს მასშტაბით,“ – ეს განცხადება ერთიანი ნაციონალური მოძრაობის თბილისის ორგანიზაციის თავმჯდომარემ, ზაალ უდუმაშვილმა, არჩევანის ეთერში გაერთიანებული ოპოზიციის სამომავლო გეგმებზე საუბრისას გააკეთა.
 
ზაალ უდუმაშვილის თქმით, გრიგოლ ვაშაძემ მოსახლეობასთან შეხვედრები უკვე დღეიდან დაიწყო და პირველ ეტაპზე რუსთაველებს შეხვდა.
 
უდუმაშვილი ამბობს, რომ გაერთიანებული ოპოზიციის ლიდერები მოსახლეობას მომდევნო ორი კვირის განმავლობაში შეხვდებიან და მათ აუხსნიან, რატომ არის მათი ულტიმატუმი მნიშვნელოვანი, რომელიც ვადამდელ საპარლამენტო არჩევნებს უკავშირდება.
 
უდუმაშვილის თქმით, 16 დეკემბრამდე, როდესაც ულტიმატუმის ვადა იწურება, მთელი საქართველოს მასშტაბით დაასრულებენ შეხვედრებს მოსახლეობასთან და ასევე მოლაპარაკებებს ოპოზიციასთან.
 
ენმ-ის ერთ-ერთი ლიდერის განცხადებით, ხელისუფლებას 16 დეკემბერს ოპოზიციის ძალას დაანახებენ.
 
„იმდენად შეშინებულები არიან, რომ იმასაც ვერ ბედავენ, თბილისში ჩაატარონ ინაუგურაცია თავისი დანიშნული პრეზიდენტის. დარბიან ქალაქ-ქალაქ, არჩევენ, სად უფრო უსაფრთხო იქნება. ახლა, თითქოს თავს დავესხმებით ჩვენ „მადამ პიურეს“. ვინ არის ახლა გამარჯვებულის პოზიციაში? გამარჯვებულის პოზიციაში არის ოპოზიცია და ხალხი და დამარცხებულის პოზიციაში არის ხელისუფლება, რომელსაც ინაუგურაციის ჩატარებისაც კი ეშინია დედაქალაქში,“ – განაცხადა ზაალ უდუმაშვილმა
წინა სტატიაშეკვეცილი უფლებები და შემცირებული ბიუჯეტი – პრეზიდენტის ადმინისტრაციის დაფინანსება 40%-ით არის შემცირებული
შემდეგი სტატია„შეიძლება ერთი თვე, ორი თვე მოითმინოს ამ საზოგადოებამ, მაგრამ ერთ მშვენიერ დღეს აუცილებლად აფეთქდება” – ბაჩუკი ქარდავა
ტელეკომპანია ოდიშის საინფორმაციო სამსახური