ხელისუფლების მიერ წინასაარცევნო პერიოდში დაანონსებული ვალების ჩამოწერის პროგრამის ამოქმედება შესაძლოა წლის ბოლომდე ვერ მოესწროს.
აღსანიშავია, რომ 3 დეკემბერს უნდა ამუშავებულიყო სპეციალური ვებ-გვერდი,ს ადაც მოქალაქეები მიიღებდნენ ინფორმაციას, თუ ვის აპატია ამა თუ იმ საფინანსო დაწესებულებამ ვალი, როგორც გუშინ გახდა ცნობილი, 3 დეკემბერს აღნიშნული ვებ-გვერდი არ ამოქმედდება.
საკითხზე დღეს კომენტარი ფინანსთა მინისტრი მოადგილემ გააკეთა:
„მიუხედავად სესხების პატიების პროექტის მასშტაბურობისა, აღნიშნული პროცესი დაპირებისამებრ 15 დეკემბერს დაიწყება და 31 დეკემბერს დასრულდება. ამასთან, სესხების პატიების პროექტში დამატებით 10-მდე სესხის გამცემი ორგანიზაცია ჩაერთო, რომლებსაც საწყის ეტაპზე თანამშრომლობის სურვილი არ ჰქონდათ. ამ ეტაპზე, მათი მხრიდან ჩამოსაწერი სესხების მონაცემების მოწოდება მიმდინარეობს. ყველა ჩამოსაწერ სესხზე ინფორმაცია ასახული იქნება ერთიან ბაზაში, რომელიც უახლოეს პერიოდში განთავსდება სპეციალურად ამ პროექტისთვის შექმნილ ვებგვერდზე“, – განაცხადა ლაშა ხუციშვილმა