მურთაზ ზოდელავა: ,,კეთილი ინებოს პატივცემულმა გიორგი გახარიამ, დაბრძანდეს თავის კაბინეტში და მიხედოს თავის საქმეს”

0
457
,,კეთილი ინებოს პატივცემულმა გიორგი გახარიამ, დაბრძანდეს თავის კაბინეტში და მიხედოს თავის საქმეს", – ამის შესახებ ჟურნალისტებს გაერთიანებული ოპოზიციის სამეგრელოს რეგიონალურმა კოორდინატორმა მურთაზ ზოდელავამ განუცხადა. მისი თქმით, შს მინისტრმა ზუგდიდში წინასაარჩევნოდ აგრესიული ფონი შექმნა.
 
ზოდელავას თქმით, ოპოზიციის მიზანია, არჩევნებმა მშვიდ ვითარებაში ჩაიაროს.
 
„ქართული ოცნების" რიტორიკა, რომ თურმე ჩვენ ვაპირებთ დესტაბილიზაციას, ეს არის ფარსი.
 
თვითონ არიან აგრესიულები, ასეთი რიტორიკით თვითონ გამოირჩევიან, რასაც ყველა ადევნებს თვალს. ჩვენი მთავარი ამოცანაა, შევინარჩუნოთ სიმშვიდე, სიტუაცია კონტროლს დაქვემდებარებული იყოს და ყველა ამომრჩეველმა მშვიდობიან გარემოში მოახერხოს ხმის მიცემა. ეს არის ჩვენი ერთადერთი ამოცანა.
 
დარწმუნებული ვარ, რომ ნორმალურ, ცივილიზებულ სახელმწიფოში ყველა ინსტიტუცია ამით იქნებოდა დაკავებული, მათ შორის, შსს, მაგრამ სამწუხაროდ, გახარია, რომელიც ჩამოვიდა სამეგრელოში და შექმნა აგრესიული ფონი, მოტივირებულია, რომ აქ არ იყოს მშვიდი გარემო. ფიზიკურად, სამეგრელოში არ იმყოფება, მაგრამ მისი აქ ყოფნის პერიოდში წაახალისა ყველა და ყველას გაუგზავნა მესიჯი იმის თაობაზე, რომ რაღაც აგრესიული ტონი "მოსულა".
 
ეს არის იმის შედეგი რაც აქ გააკეთა. ამიტომ კეთილი ინებოს პატივცემულმა, დაბრძანდეს თავის კაბინეტში და მიხედოს თავის საქმეს",- განაცხადა ზოდელავამ
წინა სტატიაზაზა სარალიძე: ხმას ვერ მივცემდი ადამიანს, ვინც ჩემი თხოვნა არ გაითვალისწინა და დატოვა კომისია, სადაც მისი სიტყვა შეიძლება გადამწყვეტი ყოფილიყო
შემდეგი სტატია50-ე და 96-ე უბნებზე დამკვირვებელი საჩივრის დაწერის გამო გააძევეს [Video]
ტელეკომპანია ოდიშის საინფორმაციო სამსახური