აბაშის საარჩევნო ოლქში, მე-10 უბანზე საჩივარი დაიწერა.
გაერთიანებული ოპოზიციის მიერ გამოქვეყნებულ ვიდეოში ჩანს, რომ საკრებულოში „ქართული იცნება-დემოკრატიული საქართველოს“ დეპუტატი ლეონტინ ნადარეიშვილი ამომრჩეველთან ერთად შედის კაბინაში.
დეპუტატი განმარტავს, რომ კაბინაში მასთან ერთად შესვლა ამომრჩეველმა სთხოვა.
ამავე დროს აბაშაში ამომრჩევლის შესაძლო მოსყიდვის ფაქტიც დაფიქსირდა.
არასამთავრობო ორგანიზაცია „საერთაშორისო გამჭვირვალობა – საქართველოს“ .07:00 საათიდან 13:00 საათამდე დაკვირვების მონაცემებიი ნათქვამია, რომ სულ ამ დროისთვის ამომრჩევლის სავარაუდო მოსყიდვის 4 შემთხვევა დაფიქსირდა, აქედან ერთი აბაშაში.
„პირველი ტურის მსგავსად, თითქმის ყველა საარჩევნო უბნის გარეთ შეიმჩნევა საპრეზიდენტო კანდიდატების კოორდინატორების მობილიზება, რაც დაძაბულ ატმოსფეროს ქმნის. გარდა ამისა, რამდენიმე საარჩევნო უბნის გარეთ ჩვენმა დამკვირვებლებმა დააფიქსირეს, რომ უბნიდან გამოსული ამომრჩევლები სხდებოდნენ უბნის გარეთ მდგომ ავტომობილებში და რამდენიმე წუთის შემდეგ უკან გადმოდიოდნენ. ოთხ შემთხვევაში, ჩვენი დამკვირვებლების მტკიცებით, ამომრჩევლებს ავტომობილში სავარაუდოდ ფული გადასცეს. აღნიშნული 4 შემთხვევა დაფიქსირდა შემდეგ უბნებთან: #33 ქარელის საარჩევნო ოლქის # 1 საარჩევნო უბანი, #63 აბაშის საარჩევნო ოლქის #23 საარჩევნო უბანი; #79 ბათუმის საარჩევნო ოლქის #90 საარჩევნო უბანი და #79 ბათუმის საარჩევნო ოლქის #11 საარჩევნო უბანი“, – ნათქვამია ინფორმაციაში
