ბაჩუკი ქარდავა: ოპოზიციურ ამომრჩეველს ფიზიკურად არ უშვებენ უბანზე. აი, რისთვის სჭირდებოდათ პირადობები და რატომ აგროვებდნენ

0
477
 
გაერთიანებული ოპოზიციის წარმომადგენლების განცხადებით, ოპოზიციურად განწყობილ ამომრჩევლებს საარჩევნო უბანზე მისვლაში ხელს ფიზიკური ძალის გამოყენებით უშლიან.
 
ბაჩუკი ქარდავას თქმით, ასეთი ინციდენტი დაფიქსირდა ზუგდიდის 105-ე უბანზე. ქარდავა პროკურატურას აღნიშნული ფაქტით დაინტერესებისკენ მოუწოდებს:
 
„აქ საერთოდ საოცრებასთან გვაქვს საქმე. ეს არის ზუგდიდის 105-ე უბანი, სადაც ამომრჩეველი, რომელიც სიაში იყო, ყველანაირად კანონიერად, წარადგინა პირადობა და „ქართული ოცნების“ წარმომადგენელმა კომისიაში უთხრა, რომ მას ვერ ცნობს და ძალადობით გაიყვანეს გარეთ და სვამდნენ მანქანაში. ასეთი ფაქტები იღებს ძალიან სერიოზულ სახეს ამ უბანზე განსაკუთრებით, ამომრჩეველს არ აძლევენ ხმის მიცემის უფლებას.
 
ფარულობა, ძალადობა ყველაფერი მორჩა, ახლა უკვე ხვდებიან, რომ მძიმე ვითარება აქვთ, განსაკუთრებით ზუგდიდში და ისინი ოპოზიციურ ამომრჩეველს ფიზიკურად არ უშვებენ უბანზე. აი, რისთვის სჭირდებოდათ პირადობები და რატომ აგროვებდნენ, შეისწავლეს ყველაფერი. ეს სისხლის სამართლის დანაშაულია და ამაზე აუცილებლად უნდა აგონ პასუხი იმ ადამიანებმა, ვინც ამ დარღვევას ახდენს. მივმართავ პროკურატურას, ეს ფაქტი აუცილებლად შეისწავლოს და აღიძრას საქმე.“-განაცხადა ბაჩუკი ქარდავამ
წინა სტატიამე-6 საარჩევნო უბანზე კომისიის წევრმა ხმა ორჯერ მისცა [Video]
შემდეგი სტატია,,ყველა უბანზე ზონდერების, სპორტული აღნაგობის ადამიანების და ასევე კრიმინალური ელემენტების მობილიზაციაა,“ – ამბობს ხატია დეკანოიძე.
ტელეკომპანია ოდიშის საინფორმაციო სამსახური