წუხელ თბილისში, სამგორში მკვლელობა მოხდა

0
507
წუხელ თბილისში, სამგორში მკვლელობა მოხდა. მოკლულია ახალგაზრდა მამაკაცი, გიორგი გაბროშვილი. ასე ტრაგიკული შედეგით დასრულდა სიტყვიერი დაპირისპირება, რომელიც  მკვლელობაში ბრალდებულსა  და ორ პირს შორის მოხდა. 
 
ბრალდებულმა ორივეს მათგანს დანით სხეულზე დაზიანებები მიაყენა. ერთი დაჭრილი საავადმყოფოში მიყვანამდე გარდაიცვალა. მეორე კი კლინიკაშია მოთავსებული.
 
თავდაპირველად საუბარი იყო ვერსიაზეა, რომ  სიტყვიერი დაპირისპირება დაიწყო მაშინ, როცა  გარდაცვლილი და მისი თანმხლები ცდილობდნენ  შეეჩერებინათ  მკვლელი, რომელიც   უმოწყალოდ სცემდა  ცოლ-შვილს, თუმცა ახლა უკვე იკვეთება სხვა ვერსია, რომლის თანახმად, ინცინდენტი ეჭვინობის ნიადაგზე მოხდა.
 
 შინაგან საქმეთა სამინისტროს პრესცენტრის მიერ გავრცელებულ ინფორმაციაში ნათქვამია, რომ  თბილისის მთავარი სამმართველოს დეტექტივების სამმართველოს და საპატრულო პოლიციის სამმართველოს თანამშრომლებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, 1977 წელს დაბადებული არტურ ს. განზრახ მკვლელობის ბრალდებით მომხდარიდან რამდენიმე წუთში დააკავეს
 
,,გამოძიებამ დაადგინა, რომ ნასვამ მდგომარეობაში მყოფი დაკავებული თბილისში, ყვარლის ქუჩაზე, ყოფილ მეუღლეს ეჭვიანობის ნიადაგზე სიტყვიერ და ფიზიკურ შეურაცხყოფას აყენებდა. სიტუაციის განმუხტვის მიზნით, ჩხუბში ჩაერთო იქვე მცხოვრები, 1977 წელს დაბადებული გიორგი გაბროშვილი, რომელსაც ურთიერთშელაპარაკებისას არტურ ს-მ ცივი იარაღით გულმკერდის არეში ერთი ჭრილობა მიაყენა და შემთხვევის ადგილიდან მიიმალა. დაჭრილი საავადმყოფოში მიყვანისთანავე გარდაიცვალა.
 
დაკავებული ჩადენილ დანაშაულ აღიარებს. სამართალდამცველებმა დანაშაულის იარაღი – დანა ნივთმტკიცებად ამოიღეს. გამოძიება განზრახ მკვლელობის ფაქტზე მიმდინარეობს (სსსკ-ის 108-ე მუხლით)“ – აცხადებენ შს სამინისტროში..

წინა სტატიახანძარი ქვემო ქვალონში. გარდაცვლილია 85 წლის მოხუცი
შემდეგი სტატია,,ქართული ოცნების” ცენტრალურ ოფისთან შეკრებილი დაზარალებული მეანაბრეები მესამე კვირაა უშედეგოდ ითხოვენ ბიძინა ივანიშვილთან და კახი კალაძესთან შეხვედრას
ტელეკომპანია ოდიშის საინფორმაციო სამსახური