ცესკო-მდე არჩევნების თარიღი თბილისის მერმა დაასახელა. კახა კალაძის თქმით, 28 ნოემბერს დადასტურდება, რომ სალომე ზურაბიშვილი საპრეზიდენტო არჩევნებში გაიმარჯვებს.
თბილისი მერი გამოეხმაურა, Edison Research-ის მიერ ჩატარებული კვლევის შედეგებს, რომელიც ორგანიზაციამ „რუსთავი 2"-ის დაკვეთით ჩაატარა და რომლის მიხედვით, მეორე ტურის წინ გრიგოლ ვაშაძე ლიდერობს. მმართველი გუნდი კვლევის შედეგებს უნდობლობას უცხადებს.
„გაკეთებული იყო მიზანმიმართულად, რომ რეზოლუცია რომელიც გუშინ იქნა გაჟღერებული ევროპარლამენტში, გადაეფარათ, თუმცა რამდენად გამოუვათ, ეს არ ვიცი.
კვლევებს რაც შეეხება, ეს არის ჩვეულებრივი სიცრუე, საზოგადოების აზრზე მანიპულირება. ჩვენ თუ გადავხედავთ, ყველა წლების განმავლობაში, თუ როგორ ცხადდებოდა კვლევები, რა შედეგებს გვეუბნებოდნენ და აწვდიდნენ მოსახლეობას და რა შედეგებს ვიღებდით არჩევნების შემდეგ. იყო კვლევა გამოქვეყნებული , ამ კომპანიის მიერ, რომ სალომე ზურაბიშვილი საერთოდ მესამე ადგილზე იყო, თუმცა რეალობა განსხვავებული აღმოჩნდა, 28 ნოემბერს განსხვავებული რეალობა აღმოჩნდება,“- განაცხადა კახა კალაძემ.