მალხაზ მაჩალიკაშვილი – ჩემი მოთხოვნაა, გამოათრიონ სალომე ზურაბიშვილის შტაბიდან სოსო გოგაშვილი, მოვითხოვ დახვრეტას

0
547
"ქართული ოცნების" ოფისთან მალხაზ მაჩალიკაშვილის საპროტესტო აქცია 15:00 საათზე გაიმართება.როგორც მაჩალიკაშვილმა ჟურნალისტებს განუცხადა, პანკისის ხეობის მოსახლეობასთან ერთად "ოცნების" ოფისთან სუს-ის უფროსის მოადგილის, სოსო გოგაშვილის დაკავებას მოითხოვს. ამასთან, მაჩალიკაშვილის თქმით, ოჯახის მოთხოვნა მისი შვილის მკვლელობაში დამნაშავეების დახვრეტაა და არა სხვა რაიმე სასჯელი."დღეს პანკისის ხეობიდან ჩამოდის ხალხი და გავმართავთ აქციას „ქართული ოცნების“ ოფისთან. იმის ნაცვლად, რომ სუს-ის უფროსის მოადგილე, მხეცი გოგაშვილი დაესაჯათ, დასვეს საარჩევნო შტაბის უფროსად. აქედან გამომდინარე, დღეს, 15:00 საათზე პირდაპირ „ოცნების“ ოფისთან ვაპირებთ აქციის გამართვას.ჩემი მოთხოვნა იქნება გამოათრიონ იმ შტაბიდან გოგაშვილი და დაასახელოს ყველა ის ადამიანი, ვინც იყო ამ სასტიკი, ე.წ. საუკუნის დანაშაულის მონაწილე. ყველა უნდა დაისაჯოს. მე მოვითხოვ დახვრეტას და არა სასჯელს",- განაცხადა მაჩალიკაშვილმა.
წინა სტატია3.5 მილიონი დედაქალაქის ბიუჯეტიდან – თბილისის მერია 60 ავტომობილს ყიდულობს
შემდეგი სტატიასალომე ზურაბიშვილი საგანგებო ბრიფინგს გამართავს
ტელეკომპანია ოდიშის საინფორმაციო სამსახური