ზუგდიდის საკრებულოს წევრი ირაკლი ღურწკაია პარტიას ტოვებს – “ევროპული საქართველოს” ინფორმაციით, მათი პარტიის წევრებზე არნახული ზეწოლა ხორციელდება [Video]

0
516
„არნახული ზეწოლა ხორციელდება ჩვენი პარტიის წევრებსა და მხარდამჭერებზე“- აცხადებს პარლამენტის წევრი ლელა ქებურია. მისი თქმით,   ხელისუფლებას გააზრებული აქვს ის, რომ „ევროპული საქართველოს“ ხმები მეორე ტურში გადამწყვეტია და სწორედ ამიტომ ყველა მეთოდს იყენებენ, რომ მათი მხარდამჭერები და წევრები გადაიბირონ. „ ჩვენთან მოვიდა ინფორმაცია რომ მას ჟურნალისტები ყავდა დაბარებული და უნდა გაეკეთებინა სპეციალური განცხადება და რადგან ჩვენ გვაქვს ინფორმაცია, რომ საკრებულოს წევრზე ირაკლი ღურწკაიაზე ბოლო დღეების განმავლობაში ხორციელდებოდა ზეწოლა, ძველი ბიჭების მეშვეობითაც, ის შეხვდა ჩვენი ინფორმაციით შსს მინისტრსაც გუბერნიაში და ეს ყველაფერი დავუკავშირეთ ერთმანეთს“- განაცხადა ქებურიამ. რაც შეეხება ირაკლი ღურწკაიას, მიუხედავად იმისა, რომ მან ჟურნალისტები ბრიფინგზე დაიბარა, დანიშნულ ადგილას არ გამოჩენილა, ის არც   სატელეფონო ზარებს  პასუხობს. მოგვიანებით, როგორც ცნობილი გახდა, საზოგადოებრივი მაუწყებლის ჟურნალისტს დაუკავშირდა და მხოლოდ ამ არხთან ისურვა კომენტარის გაკეთება. ჩვენ ვცდილობთ დავუკავშირდეთ ღურწკაიას, თუმცა ამ დრომდე ეს ცდა უშედეგოა. სავარაუდოდ ის ტოვებს „ევროპული საქართველოს“ რიგებს, თუმცა როგორც ირკვევა,  თანაპარტიელებთან შეხვედრას გაურბის და სწორედ ამ მოტივით არ მოვიდა დანიშნულ ადგილზე.
 
 

წინა სტატიაბიძინა ივანიშვილმა პატრიარქთან საპრეზიდენტო არჩევნებთან დაკავშირებით ისაუბრა
შემდეგი სტატია,,მოდექი და იცურავე” – საარჩევნოდ დაპირებების ისეთი ზღვა დადგა, ქუთაისის პორტის პროექტი რეალური ხდება
ტელეკომპანია ოდიშის საინფორმაციო სამსახური