ზუგდიდის ყოფილი მერის უფლებადამცველი პატიმრობის გირაოთი შეცვლას ითხოვს

0
527
ზუგდიდის ყოფილი მერი ლაშა გოგია ბრალდებას ქრთამის აღების შესახებ არ აღიარებს, ადვოკატი კი საქალაქო სასამართლოს გადაწყვეტილებას ასაჩივრებს.უფლებადამცველი პატიმრობის ნაცვლად გირაოს შეფარდებას ითხოვს. გადაწყვეტილება უფლებადამცველმა საპატიმროში ყოფილი მაღალჩინოსნის მონახულებისა და მასთან კონსულტაციების შემდეგ მიიღო. უფლებადამცველი ამბობს, რომ ბრალდება ვერ ადასტურებს კორუფციული გარიგების შეთანხმებას.„მიგვაჩნია, რომ განჩინებით არ არის დასაბუთებული აღკვეთის ღონისძიების გამოყენების საფუძვლები. ჩვენი მოთხოვნაა, საჩივრის საფუძველზე რომ გაუქმდეს პირველი ინსტანციის სასამართლოს გადაწყევტილება და ჩემი დაცვის ქვეშ მყოფის მიმართ, ნაცვლად პატიმრობისა გამოყენებულ იქნას აღკვეთის ღონისძიების სახით გირაო“-ამბობს ადვოკატი ზაქრო გვიშიანი.როგორც ცნობილია, ბრალს არ აღიარებს გოგიასთან ერთად დაკავებული ზუგდიდის ყოფილი ვიცე -მერი გია გულორდავაც, რომელიც ასევე სასამართლოს გადაწყვეტილების გასაჩივრებას გეგმავს.
წინა სტატიაყოფილ მთავარ პროკურორ ოთარ ფარცხალაძეს ბრალი წაუყენეს
შემდეგი სტატიაპაატა ბურჭულაძე კობა დავითაშვილს ცილისწამებლური განცხადების გაკეთების გამო ადანაშაულებს მორალური ზიანის ანაზღაურებას ითხოვს
ტელეკომპანია ოდიშის საინფორმაციო სამსახური