ხმაურით მიმდინარეობს არჩევნები არა მხოლოდ რეგიონებში არამედ, თბილისშიც. თემქაზე, 83-ე საარჩევნო უბანზე ”ლეიბორისტული პარტიის” ლიდერსა და უბნის თავმჯდომარეოს შორის დაპირისპირება მოხდა.
შალვა ნათელაშვილის თქმით, უბანთან გარკვეული ადამიანების ჯგუფი აგიტაციას ეწეოდა. დარღვევის შესახებ დამკვირვებელმა საჩივარი დაწერა, თუმცა ის უბნის თავმჯდომარემ არ დაარეგისტრირა.
ასეთივე სურათია ყველგან, მათ შორის ზუგდიდშიც.
ქართული ოცნების ოფისში გამართულ პრესკონფერენციაზე კი მამუკა მდინარაძე აცხადებს, რომ პარტიის აგიტატორები კანონის ფარგლებში მოქმედებენ და მოუწოდებს მათ, გააგრძელონ მუშაობა,.
“ჩვენს მხარდამჭერებს, ჩვენს პარტიულ აქტივს, ჩვენს კოორდინატორებს აბსოლუტურად სრული უფლება აქვთ, იყვნენ საარჩევნო უბნების გარეთ. მათ შორის აქვთ აგიტაციის უფლება, თუმცა აგიტაციის ფაქტები არ ფიქსირდება. საუბარია იმაზე, რომ აღრიცხავენ ჩვენი მხარდამჭერების რაოდენობას, რისი სრული უფლებაც გააჩნიათ. მოვუწოდებ მათ – კანონის ფარგლებში როგორც იქცეოდნენ, ასევე გააგრძელონ მუშაობა“, – განაცხადა მამუკა მდინარაძემ
მდინარაძემ პრრსკონფერენციაზე ასევე მიმართა ოპოზიციას, თავი დაანებონ მათ მხარდამჭერებზე ფსიქოლოგიური ზეწოლის მოხდენას.