რაზე ისაუბრა გრიგოლ ვაშაძემ საერთაშორისო დამკვირვებლებთან შეხვედრაზე? რას ეტყვიან მათ სხვა კანდიდატები?

0
346
პრეზიდენტობის კანდიდატები დღეს იმ საერთაშორისო ორგანიზაციების დამკვირვებლებს ხვდებიან, ვინც 28 ოქტომბრის ხმის მიცემის პროცედურას გაუწევენ მონიტორინგს.
 
შეხვედრები უკვე დაიწყო და ინდივიდუალურ რეჟიმში ეუთო-ს, ნატო-ს, ევროპარლამენტის, ევროსაბჭოს და PASSE-ს დამკვირვებლებთან დახურულ ფორმატში მიმდინარეობს.
 
ამ დროისათვის საერთაშორისო დამკვირვებლებს უკვე შეხვდა  გაერთიანებული ოპოზიციის "ძალა ერთობაშია" პრეზიდენტობის კანდიდატ იგრიგოლ ვაშაძე.
 
შეხვედრის შემდეგ მან ჟურნალისტებს განუცხადა, რომ დამკვირვებლებს  მიაწოდა ინფორმაცია წინასაარჩევნო კამპანიის მიმდინარეობისას გამოვლენილ დარღვევებზე , მათ შორის ბიზნესისა და მოქალაქეების დაშინებაზე.
 
„ჩვენი მოკავშირეების მიერ გამოგზავნილია საერთაშორისო ორგანიზაციების დამკვირვებლები, ადამიანები ვინც უნდა უზრუნველყონ ის, რომ საქართველოში საპრეზიდენტო არჩევნები მაქსიმალურად პატიოსნად და საერთაშორისო სტანდარტების დაცვით ჩატარდეს.
 
ე.წ. "ქართული ოცნების" ხელისუფლების პირობებში ეს ძნელი განსახორციელებელია, მაგრამ ყოველ შემთხვევაში მაქსიმალურად უნდა ვეცადოთ, რომ ამ ხალხმა ობიექტური ინფორმაცია მიიღოს იმაზე, როგორ ჩაიარა წინასაარჩევნო კამპანიამ, რამდენად არათანაბარი იყო პირობები, რამდენად არათანაბარი იყო დაფინანსება, როგორ არის ბიზნესი დაშინებული, რომ მხარი არ დაუჭიროს გაერთიანებულ ოპოზიციას, როგორ არიან მოქალაქეები დაშინებული, რომ თავისი აზრი არ გამოხატონ და რაც ყველაზე მთავარია, რამდენი ხანია გაერთიანებული ოპოზიცია ცესკოდან ითხოვს ამომრჩევლების სიას. ამაზე დიდი აბსურდი მე არ გამიგია. ცესკო უარს ეუბნება 11 პოლიტიკურ პარტიას, რომ მისცეს ამომრჩევლების სია. ეს არის ე.წ. „ქართული ოცნების“ და ივანიშვილის საოცარი დემოკრატია, რომელიც ყვავის, იფურჩქნება და რომელშიც სამწუხაროდ, გვიწევს ცხოვრება,"- განაცხადა გრიგოლ ვაშაძემ
წინა სტატია,,მან არ იცის ქართული ენა, არ უყვარს და არ ესმის ქართული კულტურა და არ უხარია მისი წარმატება” – ,,პენცენტრი” სალომე ზურაბიშვილს ეხმაურება
შემდეგი სტატიაგორელი გოგონას მკვლელი სააკაშვილის ხელისუფლებამ 17 წლით ჩასვა ციხეში, 9 თვის წინ კი პრეზიდენტმა მარგველაშვილმა შეიწყალა
ტელეკომპანია ოდიშის საინფორმაციო სამსახური