დაკავებულის დედა ამბობს, რომ ჩიპი, რომელზეც სხვადასხვა ასაკის გოგონების ფოტოები იყო, მის შვილს ციხიდან გამოატანეს

0
343

 
 დღეს დილით 9 წლის გოგონას სასტიკი მკვლელობის ბრალდებით დაკავებული იაგო ნებიერიძის მეზობლები ამბობენ,  რომ იგი  წარსულში დაკავებული იყო, როგორც აფამიანის გატაცებაში მონაწილე. მათი ინფორმაციით, ნებიერიძემ სხვა პირებთან ერთად გამოსასყიდის მიღების მიზნით ახალგაზრდა გაიტაცა  სახლში  მალავდა.
 
„რაღაც მსგავს სიტუაცია ვიცით. ბავშვის გატაცებაზე, ეგეთი რაღაც გავიგე. მისჯილი ალბათ, დაამთავრა და გამოვიდა. ის ვიცი, რომ ვიღაც გოგო დაიჭირა და ეს ნებიერიძე მალავდა,"-ამბობს დაკავებულის მეზობელი.
 
დაკავებულის დედა აცხადებს, რომ ვირაცეებს სურთ სხვისი დანაშაული მის შვილს აკიდონ და ამ ვერსიის გასამყარებლად ფაქტებს ამახინჯებენ. . იმდენი ტყუილი გაშუქდა, ამისთვის პასუხს გაგებინებთ ყველას – აცხადებს იგი. 
 
მისი განცხადებით, იაგო ნებიერიძე წარსულში სასჯელს ყაჩაღობისთვის იხდიდა.  მან 9 თვის წინ დატოვა ციხე 9 წლიანი პატიმრობის შემდეგ.   ,, ძალადობაზე და ტელეფონის წართმევაზე იყო მსჯავრდებული. ტელეფონის წართმევაზე და ჯაჯგურის დროს ძალადობაც გამოვიდა მერე. ვიღაც ქალბატონს წაართვა ტელეფონი. გუშინ 7-ს უკლდა წუთები რომ მოვიდა. სახლში იყო მის მერე, ღამის 12 საათზე მოვიდნენ და წაიყვანეს. რა უნდა ეთქვა დანაშაულთან დაკავშირებით“..
 
 
რაც შეეხება გავრცელებულ ინფორმაციას, რომ სამართალდამცველებმა დაკავებულის სახლიდან მეხსიერების ბარათი ამოიღეს, რომელზეც სხვადასხვა ასაკის გოგონების ფოტოები იყო, დაკავებულის დედა ამბობს, რომ ეს ჩიპი მის შვილს ციხიდან გამოატანეს.
 
„ასე თქვა, მე არაფერი დამიშავებიაო. მეც ეგრე ვიცი, რომ ციხიდან წამოღებული იყო ჩიპი – რომელი ბავშვების ფოტოები იყო, არ ვიცი. თვითონაც არ იცოდა, ვისი იყო. ვიღაცას ჩიპი ვათხოვე და გადმომიწერაო. აქ არაფერი არ ჩაუწერია მაგას. იმდენი ტყუილი გაშუქდა, ამისთვის პასუხს გაგებინებთ ყველას“, – განაცხადა დაკავებულის დედამ..
 

 

 

წინა სტატიაექსპერტი ბიძინა ივანიშვილს ურჩევს, ნერვები დაიწყნაროს, ეკა გიგაური კი ,, მშიშარა კაცების” განსაკუთრებულ გააქტიურებაზე საუბრობს
შემდეგი სტატიასოფო ხალვაში, რომლის საქართველო სალომე ზურაბიშვილთან არის, გაუშვეს ტელევიზიიდან, რომლის საქართველო კანონთან არის
ტელეკომპანია ოდიშის საინფორმაციო სამსახური