იტალიაში გარდაცვლილი 31 წლის გიორგი ფერაძის ახლობლები, იტალიური მხარის მიერ დაწყებული გამოძიების შედეგებს ელოდებიან.
ახლობლების განცხადებით, ფერაძე იტალიაში სამუშაოს საძებნელად დაახლოებით 4 თვის წინ წავიდა.
გარდაცვლილს ოჯახი ცხედრის გადმოსვენებაში დახმარებას ითხოვს. საკონსულოში კი განმარტავენ, რომ კომუნიკაცია ოჯახთან აქტიურად მიმდინარეობს და გადმოსვენების პროცედურაში კონსული სრულად ჩართულია
შეგახსენებთ, ახალგაზარდა კაცის ცხედარი 18 ოქტომბერს სან-ანტონიოს სანაპიროსთან აღმოაჩინეს და პოლიცია გამოიძახეს.
საქართველოს მოქალაქის გარდაცვალების ზუსტი მიზეზი ჯერჯერობით უცნობია. ერთი -ერთი ვერსიით, იგი წყალში დაიხრჩო, თუმცა იტალიური საინფორმაციო საშუალებების ცნობით, ქართველი ემიგრანტი, სავარაუდოდ, მოკლულია, რადგან სხეულზე დაზიანებები აღენიშნება.
მომხდართან დაკავშირებით მიმდინარეობს გამოძიება.